काठमाडौँ - नेपाली बजारमा आज फेरि सुनको भाउले नयाँ कीर्तिमान कायम गरेको छ। 

आज प्रतितोला छापावाल सुन १ लाख १५ हजार ५०० रुपैयाँ र तेजाबी सुन १ लाख १४ हजार ९५० रुपैयाँ कायम भएको  नेपाल सुनचाँदी महासंघले जनाएको छ । यो हालसम्मकै उच्च मूल्य हो। आज सुनको भाउ तोलामा १ हजार ८०० रुपैयाँले बढेको छ। 

हिजो सुनको भाउ तोलामा ५०० रुपैयाँले बढेको थियो। यो दिन प्रतितोला छापावाल सुन १ लाख १३ हजार ७०० रुपैयाँ र तेजाबी सुन १ लाख १३ हजार १५० रुपैयाँमा कारोबार भएको थियो।  आज चाँदीको भाउ तोलामा ५ रुपैयाँले बढेर १ हजार ४०० रुपैयाँ कायम भएको छ। हिजो तोलामा १५ रुपैयाँले घटेर चाँदी १ हजार ३९५ रुपैयाँमा कारोबार भएको थियो।