कृषि तथा पशुपन्छी विकास मन्त्रालयले हेफर इन्टरनेसनल नेपालको सहयोगमा सिन्धुलीका पाँच वर्षमा पाँच सय घरधुरी किसानलाई कोरली गाई दिने भएको छ। कोरियाका किसान, विद्यार्थी  अन्य  व्यक्तिहरूले  नेपाललाई  कोरिया सरकारमार्फत गत पुसमा ८० वटा बाछी र २१ वटा बाछा दिएको थियो। 

कृषि मन्त्रालयले बाछालाई चितवन,लहान,पोखरालगायत वीर्य उत्पादन केन्द्रमा पठाइदिएको छ भने ८० वटा गाई किसानलाई वितरण गर्न  सिन्धुली पठाएको थियो। त्यहाँका ५१ जना किसानलाई सो बाछी वितरण गरिएको थियो। ८० वटा बाछीलाई विस्तार गरी सिन्धुलीको पाँच सय घरधुरी किसानलाई पु¥याउने  लक्ष्य राखिएको हेफर इन्टरनेसनल नेपालले सञ्चालन गरेको मिल्की वे  परियोजनाका निर्देशक नारायणप्रसाद शर्माले बताएका छन् ।

कोरिया सरकारले उपलब्ध गराएको बाछी सिन्धुली कमलामाई नगरपालिका वडा नम्बर ४ र ५ का ५१ किसान परिवारलाई वितरण गरिसकेको छ । अहिले ती बाछी ठुला ठुला भइसकेका छन्। हेफर नेपाल र कमलामाई नगरपालिकाले १०९ जना किसानलाई राखेर विभिन्न समूह बनाएका छन् । पहिलो लटमा १०९ जनामध्ये ५१ जनाले सो बाछी (गाई) पाएका छन् ।

८० वटा गाईमध्ये छ वटा लम्की स्किनको रोगबाट मरेका छन् । बाँकी रहेको ७४ वटा गाईमध्ये ६९ गाईलाई गर्भधारण गराएका छन् । त्यसमध्ये ३७ वटा गाई गर्भवती छन् । अरू बाँकीको गर्भ सुनिश्चित भएको छैन सायद एक दुई महिनाभित्र ६९ वटै गाईको गर्भ सुनिश्चित हुने हेफर  नेपालले जनाएको  छ । 

कोरिया  सरकारले  उपहार  स्वरूप  दिएको  कारणले पनि यहाँका किसानले पनि कम्तीमा एउटा बाछी अर्को किसानलाई दिनुपर्ने प्रावधान रहेको हेफर  कोरियाका निर्देशक लीले बताए ।गाई  प्राप्त  गरेका  किसानले  आनुवंशिक स्रोतबाट पहिलो बाछीसँगै प्राप्त गरेको सिप र ज्ञानलाई अर्को किसानलाई हस्तान्तरण (हेफरको पासिङ अन द गिफ्ट बिजनेस मोडेल) गर्नै पर्ने प्रावधान रहेको उनले बताए । आजको गोरखापत्र दैनिकमा समाचार छ !