काठमाडौँ - क्यान्सर सेन्टरले बाल क्यान्सर बिरामीहरूमा आशा र लचिलोपनलाई जोड दिँदै हर्ष र उल्लासमय वातावरणमा अन्तर्राष्ट्रिय बाल क्यान्सर दिवस मनाएको छ। चुनौतीपूर्ण यात्राको सामना गरिरहेका साहसी बालबालिकाहरूका लागि आशाको वातावरण बनाउँदै अस्पताल सकारात्मकता र समर्थनको केन्द्रमा परिणत भयो।यो दिन एक विशेष समारोहको साथ सुरु भएको थियो ।  जहाँ अस्पतालका कर्मचारी, परिवार र चिकित्सकहरू बाल क्यान्सर बिरामी तथा सर्भाइवरहरूको शक्तिलाई सम्मान गर्न भेला भए। उपचार गराइरहेका बालबालिकाको दृढ संकल्प र भावनालाई उजागर गर्दै प्रेरणादायी कथा र उपहार बाँडिएको थियो ।  

अस्पतालका बाल रक्त तथा क्यान्सर रोग विशेषज्ञ, डा.ऋतु लामिछाने द्वारा सहयोगको लागि कृतज्ञता व्यक्त गर्नुभयो र बाल क्यान्सर बारे चेतना जगाउने तथा बालबालिकाहरूलाई उत्कृष्ट हेरचाह, समर्थन र उज्ज्वल भविष्यको आशा प्रदान गर्न एकजुट रहने कुरामा जोड दिनुभयो।बालबालिकाहरूको बहादुरीलाई समर्पित यस दिन समुदायमा बाल क्यान्सरको जनचेतनाको भावना बढाउँदै र  प्रतिकूलताको सामना गर्दा, माया, सद्भाव र एकताले बाल क्यान्सरबाट प्रभावितहरूको जीवनमा गहिरो परिवर्तन ल्याउन सक्छ भन्ने सन्देश दिँदै सम्पन्न भयो।