काठमाडौं - देशमै युवाहरूलाई रोजगारी दिने उद्देश्यले भाटभटेनी सुपर मार्केटले थप दुई हजार युवाहरूलाई रोजगारी दिने निर्णय गरेको छ ।

हाल भाटभटेनीमा ६ हजार बढी युवायुवतीहरू राजगारी गरिरहेका छन्। यो अवसरसँगै युवाहरूले काठमाडौंसहित देशभर रहेका भाटभटेनी सुपर मार्केटका शाखाहरूमा काम गर्ने मौका पाउनेछन् । हाल भाटभटेनी सुपरमा काम गर्नेहरूले ८ घण्टा काम गरेर महिनामा तलब बुझ्दै आएका छन् । तर, नयाँ योजना अनुसार  रोजगारदाताहरूले हरेक हप्ताको अन्त्यमा नै सो हप्ताको पारश्रमिक पाउनेछन्। 

रोजगारी २१ वर्षभन्दा कम उमेर पुगेका वा कुनै कलेजमा अध्ययन गरिहेका युवायुवतीहरूले मात्र पाउनेछन्।  उनीहरूले दिनमा ४ घण्टा र हप्तामा पाँच दिन काम गर्नु पर्नेछ। युवाहरू देशमा रोजगारी नपाएर विदेश पलायन हुन थालेपछि उनीहरूलाई रोक्न यस्तो योजना ल्याएको भाटभटेनी सुपर मार्केट व्यवस्थापन जनाएको छ।