काठमाडौं - गायक दिपेश बिष्टको नयाँ गीत कोइली बनैमा सार्वजनिक भएको छ ।

डम्बर विश्वकर्माको रचनामा तयार भएको गीतमा दिपेश बिष्ट र शान्ति श्री परियारको सुमधुर आवाज रहेको छ भने यस गीतलाई लय युस्कल छिनालले गरेका छन् ।त्यसै गरी संगीत संयोजन राजेन्द्र बाजुरालीले गरेका हुन् । 

माया प्रेममा आधारित यस गीतमा विशेष गरी गाउँघरमा केटाकेटी बीच बसेको माया प्रेमलाई मुख्य  कथावस्तु बनाइएको  छ । गीतमा केटाले आफूले मनपराएको केटीलाई तिम्रो मनमा म  भए पनि नभए पनि तिमि भने मेरो मनमा सधैँ भरी रहिरहनेछौ भन्ने कुरा देखाउन खोजिएको छ ।

त्यसै गरी केटीले म कति माया गर्छु भन्ने कुरा देखाउन मिल्दैन त्यो त मेरो मनलाई थाहा छ भन्ने जस्ता कुरा गीतका शब्द मार्फत देखाउन खोजिएको छ । 

लामो समय नेपाली गीतसंगीतमा लागेका गायक दिपेश बिष्ट भने,'आफूले गरेका सबै गीत उत्तिकै राम्रा लाग्छन् अझ यो गीतमा मैले मात्र हैन हाम्रो सम्पूर्ण टिमले नै धेरै मेहनत गरेर तयार पारेका छौ त्यसैले पनि यो गीत हाम्रो तर्फबाट उत्कृष्ट लागेका छ । युट्युबमा हाले देखी नै यस गीतलाई धेरैले मन पराइदिनुभएको छ । मलाई कस्तो लाग्ने भन्दा पनि दर्शकले कस्तो मान्नुहुन्छ त्यसले भर पार्ने हो गीत राम्रो नराम्रो भन्ने सबै जिम्मा अब हामीले दर्शकको हातमा छोडी दिएका छौँ उहाँहरूको प्रतिक्रिया अहिले सम्म राम्रो आएको छ ।'

गीतको म्युजिक भिडियोलाई निर्देशक विनोद भण्डारीले गरेका छन् भने गीतको मुख्य भूमिकामा पनि भण्डारी आफै रहेका छन् साथमा उनलाई जुना विश्वकर्माले साथ दिएकी छन् ।

मालाश्री स्टुडियोमा रेकडिङ गरिएको यस गीतको म्युजिक भिडियोको सम्पादन  भने मनोज कार्कीले गरेका छन् । यो गीत दिपेश बिष्ट अफिसियल युट्युब च्यानलमार्फत सार्वजनिक भएको छ ।