काठमाडौं - फिल्म ‘एक्लो’ को क्यारेक्टर पोस्टर सार्वजनिक गरिएको छ । साइन्स फिक्सनमा आधारित रहेर निर्माण भइरहेको फिल्मको सुरजसिंह ठकुरीको क्यारेक्टर पोस्टर सार्वजनिक गरिएको हो ।

पोस्टरमा सुरजसिंह ठकुरी डरलाग्दो देखिएका छन् । क्यारेक्टरमा उनको नाम काल राखिएको छ । ठकुरीको लुक्सले फिल्म ‘एक्लो’ प्रति अझै कौतुहलता जागेको छ । फिल्मका निर्देशक प्रदीप शाही हुन् ।

निर्देशक शाही ‘एक्लो’ लाई हलिउड स्तरको फिल्म भएको बताउँछन् । फिल्मको लण्डनमा पोस्ट प्रोडक्सन भइरहेको छ । फिल्ममा प्रदीप खड्का, विजय लामा, सुनील थापा, दिया पुन, वेनिशा हमाल, दिनेश डीसी, कविता नेपाली, सुरजसिङ ठकुरी, त्रिचु राई, कृष्णभक्त महर्जन, विकास अधिकारी, दिग्गज खत्री, विनोद सुवेदी ’क्षितिज’, श्रीशेष श्रेष्ठ र बालकलाकार जेमिन श्रेष्ठ र स्योन सविक सिंह लगायत बेलायती अभिनेता जेमी बेकनको समेत अभिनय छ । 

एक्लोका निर्माता राजुकुमार गुरुङ, हरि श्रेष्ठ, विष्णु तामाङ, उत्सव विष्ट, भाइराजा थापा, नवीन सिवा, बागवीर पुन हुन् भने कार्यकारी निर्माता विनोद सुवेदी ‘क्षितिज’ रहेका छन् ।