काठमाडौं - नेपाल माइक्रो इन्स्योरेन्स कम्पनीले निष्काशन गरेको आईपीओमा ९.५५ गुणा बढी आवेदन परेको छ । 

आईपीओ निष्काशनको तेस्रो दिन मंगलबार साँझ ५ बजेर ६ मिनेटसम्ममा ९.५५ गुणा बढी आवेदन परेको सिडिएस एण्ड क्लियरिङ लिमिटेडले जनाएको छ । सिडिएस एण्ड क्लियरिङका अनुसार सो अवधिसम्ममा १३ लाख ५३ हजार ४२६ जना आवेदकले १ करोड ७६ लाख २९ हजार ३०० कित्ताका लागि आवेदन दिएका हुन्  । 

जबकी कम्पनीले जम्मा १८ लाख ४५ हजार कित्ता शेयर निष्काशन गरेको हो । कम्पनीले फागुन ११ गतेदेखि आईपीओ निष्काशन गरेको थियो, जसमा फागुन १५ गतेसम्म आवेदन दिन सकिने छ ।