विहीबार, ०१ जेठ २०८२
ताजा समाचार
पूर्वराजालाई लेखेको पत्र फिर्ता लिनु बुद्धिमानी हुन्छ: कमल थापा
आजको अर्थ संवाददाता
शनिबार, १६ चैत्र २०८१, १७ : २६
काठमाडौं- राप्रपा नेपालका अध्यक्ष कमल थापाले पूर्वराजा ज्ञानेन्द्रलाई जरिवाना गर्ने काठमाडौँ महानगरपालिकाको निर्णय हास्यास्पद भएको बताएका छन् । शनिवार सामाजिक सञ्जाल फेसबुकमा लेख्दै अध्यक्ष थापाले महानगरपालिकाले सो पत्र फिर्ता लिनु बुद्धिमानी हुने बताएका छन् ।
उनले भनेका छन्–‘गलत ठेगानामा पठाइएको पत्र’ जस्तो ‘स्टण्ट’ भयो। मेयर बालेन साहबाट यस्तो त्रुटि कसरी भयो होला, म अलमलमा छु।’ अध्यक्ष थापाले संयुक्त जनआन्दोलन समिति र नागरिक बचाउ अभियानले जिल्ला प्रशासनसँग स्वीकृति लिएर कार्यक्रम गरेको रेकर्ड हेर्न समेत महानगरपालिकालाई आग्रह गरेका छन् ।
महानगरले लेखेको पत्रको भाषा समेत अशिष्ट र अमर्यादित रहेको बताउँदै उनले अगाडि लेखेका छन्– ‘पत्रको भाषा पनि अशिष्ट र अमर्यादित छ । राजाको कुरा छोडिदिउँ, उहाँ पूर्व राष्ट्राध्यक्ष पनि हुन्छ भन्ने महानगरपालिकाले हेक्का राख्नुपर्ने थियो। पत्र फिर्ता लिनु बुद्धिमानी हुनेछ।’
शनिबार, १६ चैत्र २०८१, १७ : २६
प्रतिक्रिया