आगलागीबाट एक महिनामा १५ जनाको मृत्यु, ५२ करोड रुपैयाँभन्दा बढीको क्षति

मंगलबार, ०९ बैशाख २०८२, १२ : ४९

काठमाडौं- गत वर्षको चैत महिनामा मात्र देशभर भएका आगलागीको घटनामा १५ जनाको मृत्यु भएको छ । जसमा ७ जना पुरुष, ७ जना महिला र १ जना बालिका रहेका छन् ।

नेपाल प्रहरीले सार्वजनिक गरेको तथ्यांकअनुसार आगलागीमा परेर ९६ जना घाइते भएका छन् । यसमध्ये ४२ जना पुरुष, ४५ जना महिला, ३ जना बालक र ६ जना बालिका रहेका छन् । आगलागीबाट ३९ जना विस्थापितसमेत भएका छन् ।

एक महिनाको अवधिमा ३५४ वटा घर र २५६ वटा गोठमा क्षति पुगेको प्रहरीको जनाएको छ । यसबाट ३०६ वटा चौपायामा समेत क्षति पुगेको छ । आगलागीबाट ५२ करोड ६९ लाख ८५ हजार ६७० रुपैयाँ बराबरको धनमालमा अनुमानित क्षति पुगेको छ ।

प्रहरीका अनुसार चैत महिनामा कूल १ हजार ३२१ वटा आगलागीका घटना भएका छन् । यसमध्ये सबैभन्दा बढी कोशी प्रदेशमा ४३४ वटा आगलागीका घटना भएका छन् ।

त्यस्तै, मधेस प्रदेशमा १६१ वटा, बागमती प्रदेशमा १७९ वटा, उपत्यकामा ६८ वटा, गण्डकी प्रदेशमा ९० वटा, लुम्बिनी प्रदेशमा २२७ वटा, कर्णाली प्रदेशमा ६२ वटा तथा सुदूरपश्चिम प्रदेशमा १०० वटा आगलागीका घटना भएका छन् ।

मंगलबार, ०९ बैशाख २०८२, १२ : ४९

प्रतिक्रिया