काठमाडौं- साताको चौथो कारोबार दिन नेप्से परिसूचक १३.६९ अंकले घटेर २६६४.४७ को विन्दुमा कायम भएको छ ।

आज नेप्सेमा ३०७ कम्पनीको २ करोड २० लाख ७५ हजार ७६९ कित्ता सेयर किनबेच हुँदा ९ अर्ब ९० करोड माथिको सेयर कारोबार भएको छ । 

यसदिन सबैभनदा धेरै राधि विद्युत कम्पनीको ६१ करोड ५७ लाख रुपैयाँको सेयर कारोबार भएको छ । त्यसपछि सानिमा माई हाइड्रोपावरको ५९ करोड २७ लाख रुपैयाँ र बुटवल पावर कम्पनीको ५८ करोड ४८ लाख रुपैयाँको सेयर कारोबार भएको छ ।

बुटवल पावर कम्पनी, पियोर इनर्जी, सीनर्जी पावर कम्पनी गरी ३ कम्पनीका लगानीकर्ताले ९.९९ प्रतिशतका दरले कमाउँदा रिभर फल्स पावरका लगानीकर्ताले ७.९४ प्रतिशतका दरले कमाएका छन् ।

यसदिन सप्तकोशी डेभलपमेन्ट बैंकका लगानीकर्ताले ५.८९ प्रतिशतका दरले गुमाएका छन् ।