काठमाडौं- साताको अन्तिम कारोबार दिन नेप्से परिसूचक २४.५९ अंकले घटेर २६२८.९१ को विन्दुमा कायम भएको छ । 

यसदिन ३१४ कम्पनीको २ करोड ९४ लाख १५ हजार ४०७ कित्ता सेयर किनबेच हुँदा ११ अर्ब २३ करोडको सेयर कारोबार भएको छ ।

यसदिन पञ्चकन्यामाई हाइड्रोपावरका लगानीकर्ताले ९.९८ प्रतिशतका दरले कमाएका छन् । दोस्रोमा मध्यभोटेकोशीका लगानीकर्ताले ५.५५ प्रतिशतका दरले कमाएका छन् । 

आज सर्वाधिक गुमाउनेमा पियोर इनर्जी र रसुवागढी हाइड्रोपावरका लगानीकर्ता रहेका छन् । यी दुई कम्पनीका लगानीकर्ताले १० प्रतिशतका दरले गुमाएका हुन् ।

यसदिन ङादी ग्रुप पावरको सर्वाधिक ८५ करोड ४४ लाख रुपैयाँको सेयर कारोबार भएको छ । त्यसपछि बुटवल पावर कम्पनीको ५८ करोड रुपैयाँ र सिंगटी हाइड्रोको ४७ करोड ९१ लाख रुपैयाँको सेयर कारोबार भएको छ ।