काठमाडौं- राधी विद्युत कम्पनी लिमिटेडले हकप्रद सेयर निष्कासन गर्न विद्युत नियमन आयोगबाट पूर्व स्वीकृति पाएको छ।

आयोगले कम्पनीको हाल कायम चुक्ता पूँजीको १ बराबर ०.६९८९ को अनुपातमा १ करोड २८ लाख ५२ हजार रुपैयाँ बराबरको हकप्रद सेयर निष्कासन गर्न स्वीकृति दिएको हो।

हकप्रदबाट उठेको रकममध्ये ५२.४८ प्रतिशत कसुवा खोला जलविद्युत आयोजनामा लगानी गर्ने र बाँकी १७.४१ प्रतिशत कम्पनीको बैंक ऋण तिर्न प्रयोग गरिने कम्पनीले जनाएको छ।

विद्युत नियमन आयोगबाट पूर्व स्वीकृति पाएकाले अब कम्पनीले नेपाल धितोपत्र बोर्डमा निवेदन दिएर हकप्रद निष्कासनको प्रक्रिया अघि बढाउनेछ।