काठमाडौं- ब्रदरले सागर ग्रुप सँगको सहकार्यमा २०२६ मे ६ तारिखमा Elevate Lounge मा “Brother Meet & Greet” सेमिनार सफलतापूर्वक आयोजना गरेको छ । दिउँसो १२ बजेदेखि ४ बजेसम्म सञ्चालन भएको उक्त कार्यक्रममा नेपालको केन्द्रीय क्षेत्रका विभिन्न उद्योगका डिलर तथा कर्पोरेट प्रतिनिधिहरुको सहभागिता रहेको थियो ।

कार्यक्रमलाई सहभागीहरूलाई ब्रोदरका उत्पादन लाइनअपबारे गहिरो जानकारी प्रदान गर्ने उद्देश्यले डिजाइन गरिएको थियो। साथै, कम्पनीको प्रोडक्ट म्यानेजमेन्ट टिमसँग प्रत्यक्ष अन्तरक्रिया गर्दै प्रतिक्रिया, सुझाव तथा जिज्ञासाहरू खुला रूपमा राख्ने र भविष्यका सहकार्यका अवसरहरू विस्तार गर्ने प्लेटफर्मको रूपमा पनि कार्यक्रमले काम गरेको थियो ।

कार्यक्रमलाई तीन मुख्य भागमा विभाजन गरिएको थियो—प्रोडक्ट डेमो सेसन, विस्तृत प्रोडक्ट ब्रीफिङ सेसन र अन्तरक्रियात्मक प्रश्नोत्तर सेसन् कार्यक्रममा ब्रोदरको Toner Box Series तथा Inkjet Printer लाइनअपको प्रत्यक्ष डेमो मुख्य आकर्षणको रूपमा रहेको थियो, जहाँ सहभागीहरूले उत्पादनका विशेषता, कार्यसम्पादन तथा वास्तविक व्यवसायिक प्रयोगबारे व्यावहारिक जानकारी प्राप्त गरेका थिए ।

प्रोडक्ट ब्रीफिङ सेसन साजन मानन्धर द्वारा सञ्चालन गरिएको थियो, जसमा उनले सहभागीहरूको प्राविधिक तथा सञ्चालनसम्बन्धी जिज्ञासाहरूको विस्तृत समाधान दिएका थिए । सहभागीहरूको थप संलग्नता बढाउन प्रस्तुतिकरण र डेमोमा आधारित क्विज प्रतियोगिता पनि आयोजना गरिएको थियो, जसमा दुई जना सहभागीले सही उत्तर दिँदै पुरस्कार प्राप्त गरेका थिए ।

कार्यक्रमको समापनमा पुजन लाल श्रेष्ठ (नेशनल सेल्स डाइरेक्टर, सागर ग्रुप ) ले धन्यवाद मन्तव्य व्यक्त गर्दै सहभागी, साझेदार तथा आयोजकप्रति आभार प्रकट गरे ।

समग्रमा, कार्यक्रमले उत्पादनसम्बन्धी बुझाइ सुदृढ गर्ने, खुला संवादलाई प्रोत्साहन गर्ने तथा उद्योगभित्रको व्यवसायिक सम्बन्धलाई अझ मजबुत बनाउने उद्देश्य सफलतापूर्वक पूरा गरेको छ । सहभागीहरूको सकारात्मक प्रतिक्रियाले यस्ता कार्यक्रमहरूले दीर्घकालीन सहकार्य र विश्वास निर्माणमा महत्वपूर्ण भूमिका खेल्ने देखाएको छ ।