काठमाडौं- नेपाली बजारमा मंगलबार सुनचाँदीको मूल्य बढेको छ। सोमबारको तुलनामा मंगलबार सुनको मूल्य प्रतितोला एक हजार रुपैयाँ र चाँदीको मूल्य ५० रुपैयाँले वृद्धि भएको हो।

नेपाल सुनचाँदी रत्न तथा आभूषण महासंघका अनुसार मंगलबार छापावाला सुनको मूल्य प्रतितोला दुई लाख ८५ हजार ६ सय रुपैयाँ कायम भएको छ। अघिल्लो दिन अर्थात् सोमबार छापावाला सुन प्रतितोला दुई लाख ८४ हजार ६ सय रुपैयाँमा कारोबार भएको थियो।

त्यस्तै, असली चाँदीको मूल्य पनि बढेको छ। सोमबार प्रतितोला चार हजार ३२० रुपैयाँ रहेको चाँदीको मूल्य मंगलबार चार हजार ३७० रुपैयाँ पुगेको महासंघले जनाएको छ।