काठमाडौं- रसुवाको भोटेकोशी नदीमा आएको भीषण बाढीमा परी मृत्यु हुनेको संख्या १७७ पुगेको छ। नेपाल प्रहरीले हालसम्म विभिन्न स्थानबाट १७७ जनाको शव फेला परेको जनाएको छ।

बाढीपछि नदीले बगाएर ल्याएका शवमध्ये सबैभन्दा धेरै चितवनको नदी तटीय क्षेत्रमा फेला परेका छन्। बागमती प्रदेश प्रहरी कार्यालयका एसएसपी राजेन्द्र धमलाका अनुसार चितवनमा मात्रै ५२ जनाको शव भेटिएको छ।

उनका अनुसार बागमती प्रदेशका विभिन्न जिल्लामा हालसम्म १०६ जनाको शव फेला परेको छ। बाढीमा बगेर आएका शव गण्डकी प्रदेशअन्तर्गत गोरखा र पूर्वी नवलपरासीका नदी तटीय क्षेत्रमा समेत भेटिएका छन्। ती शवको पहिचान गर्ने प्रयास भइरहेको प्रहरीले जनाएको छ।

बाढीको मुख्य प्रभावित क्षेत्र रसुवामा १६ जनाको मृत्यु भएको पुष्टि भएको छ। त्यस्तै नुवाकोटमा १७ जना र धादिङमा २१ जनाको शव फेला परेको एसएसपी धमलाले जानकारी दिए।

बाढीमा परी अझै केही व्यक्ति बेपत्ता रहेकाले मृतकको संख्या थप बढ्न सक्ने प्रहरीले जनाएको छ। উদ্ধার तथा खोजी कार्यलाई प्रहरीले निरन्तरता दिइरहेको छ।