काठमाडौं– रसुवा तथा आसपासका क्षेत्रमा आएको विनाशकारी बाढीबाट प्रभावित परिवारको राहत तथा पुनर्स्थापनाका लागि नेपाल लिकर्स प्रालिले १ करोड १ लाख रुपैयाँ सहयोग गरेको छ।

सिग्नेचर ह्विस्की तथा स्मिरनोफ भोड्काजस्ता अन्तर्राष्ट्रिय ब्रान्डका उत्पादक नेपाल लिकर्सले कम्पनी र कर्मचारीहरूको तर्फबाट उक्त रकम प्रधानमन्त्री दैवी प्रकोप उद्धार कोषमा प्रदान गरेको हो।

प्राकृतिक विपत्तिबाट भएको अपूरणीय क्षति र पीडाका बीच आफ्नो सहयोग सानो प्रयास भए पनि सबैको सामूहिक सहयोग र सहकार्यबाट प्रभावित क्षेत्रको पुनर्निर्माणमा योगदान पुग्ने कम्पनीले जनाएको छ।

कम्पनीले बाढीबाट प्रभावित सम्पूर्ण परिवारप्रति हार्दिक समवेदना व्यक्त गर्दै विपद्का समयमा राहत तथा उद्धारमा खटिएका सरकारी निकाय, सुरक्षाकर्मी र स्वयंसेवकहरूको कार्यप्रति सम्मान व्यक्त गरेको छ।

साथै, प्रभावित नागरिकको राहत, उद्धार तथा पुनर्स्थापनाका लागि आफ्नो तर्फबाट सक्दो सहयोग गर्न सम्पूर्ण नागरिक तथा संघसंस्थालाई नेपाल लिकर्सले आग्रह गरेको छ।