बूढानीलकण्ठ नगरपालिका–७ हात्तीगौडास्थित छाहरी संस्थाले लकडाउका कारण खाना समस्यामा परेका एक हजार जना मानिसलाई खाना खुवाउँदै आएको छ । लकडाउनका कारण दैनिक गुजारा चलाउन समस्यामा परेका ज्याला मजदूरी गर्ने, विद्यार्थी, एकल महिला, ज्येष्ठ नागरिक लगायतलाई निःशुल्क खाना खुवाउँदै आएको हो । 

खाना खुवाउनका लागि आवश्यक सामग्री विभिन्न सङ्घसंस्था, नगरपलिका र वडाहरुले सहयोग गरिरहेको बताइएको छ । बूढानीलकण्ठ नगरपािलका–१ देखि ९ सम्मका विपन्न परिवारले अहिले बेलुकाको समयमा निःशुल्क खाना प्राप्त गरिरहेको छ ।  संस्थाका अध्यक्ष लिली थापाले भने, “भवनमै सबै जना बोलाउँदा भीडभाड भई लकडाउन उल्लङ्घन हुने भएकाले खाना आवश्यक पर्ने मानिसको नाम टिपेर गाडीबाट नै घर–घरमा खाना वितरण गरिरहेका छौँ ।”