सिरहा । सुर्खेत, गुल्मी र सिरहामा गरी १९ जनामा कोरोना संक्रमण पुष्टि भएको छ । स्थानीय अधिकारीले यसबारे पुष्टि गरेपनि केन्द्रीय स्वास्थय मन्त्रालयले भने पुष्टि गर्न बाँकी रहेको छ । 
सिरहामा ५ जनामा कोरोना संक्रमण पुष्टि भएको छ ।
 
जिल्ला स्वास्थ्य कार्यालय सिरहाको प्रमुख कृष्णदेव यादवका अनुसार भगवानपुर गाउँपालिका वडा नं ४ का ४ जना ३६, २६,२९,३७ वर्षीय पुरुष र नवराजपुुर गाउँपालिकाका १ जनामा गरी जम्मा पाँच जनामा कोरोना संक्रमण पुष्टि भएको हो । 

उनीहरु भारतको विभिन्न ठाउँबाट आएको सिरहाका प्रमुख जिल्ला अधिकारी सरोज गुरागाईंले जानकारी दिए ।

यसैगरी सुर्खेतको वीरेन्द्रनगरका विभिन्न वडा र सिम्तामा १२ जनामा कोरोना संक्रमण पुष्टि भएको छ भने गुल्मीको धुर्कोटमा पनि २ जनामा कोरोना संक्रमण पुष्टि भएको छ ।