दिपायल सिलगढी नगरपालिका प्रमुख मञ्जु मलासीको स्वासप्रस्वासमा समस्या आएपछि उपचारार्थ  नेपाली सेनाको हेलिकप्टरद्वारा काठमाडौँ लगिएको छ । 

उनी भारतबाट फर्किएका नागरिककलाई क्वारेन्टिन राख्न सक्रिय हुँदै आएका ििथए ।  उनलाई एक हप्ताअघिदेखि स्वासप्रस्वासमा समस्या आएको उनका परिवारले जनाएका छन् । अर्धचेत अवस्थामै उनलाई आज बिहान काठमाडौँ लगिएको बताइएको छ ।

चिकित्सकको सल्लाहअनुसार घरमा आराम गरिरहनुभएकी नगरप्रमुख मलासीलाई बिहीबार राति एकाएक  स्वासप्रस्वासमा निकै समस्या आएपछि  काठमाडौँ लगिएको उहाँका स्वकीय सचिव रवीन्द्र जोशीले बताए ।

 उनले भनिन, “क्वारेन्टिन व्यवस्थापन गर्ने क्रममा उनलाई समस्या देखिएको थियो, धनगढी गएर उपचार गर्दा चिकित्सकले आराम गर्न सल्लाह दिएका थिए, गएराति एकाएक स्वास्थ्यमा समस्या आएपछि उनलाई आज काठमाडौँ लगिएको हो ।” 
नगर प्रमुख मलासी उच्च रक्तचापसम्बन्धी औषधि सेवन गर्दै आएको उनका श्रीमान् कृष्ण मलासीले जानकारी दिए ।