काठमाडौँ। नेपालीको रोजगारीका लागि आकर्षक श्रम गन्तव्य मानिने इजरायलको श्रम बजार खुला भएको छ । नेपाल र इजरायलबीच श्रम सम्झौता भएसँगै विशिष्ट सीप भएका नेपालीका लागि इजरायलको श्रम बजार खुला भएको हो ।
नेपाली राजदूत डा अञ्जान शाक्य र इजरायलका विदेशमन्त्री गाबी आस्खेनाजीबीच ‘इजरायलको विशिष्ट श्रम बजारमा नेपाली श्रमिकको अस्थायी रोजगारीसम्बन्धी सम्झौता’मा बुधबार हस्ताक्षर भएको हो । सहमति पत्रमा हस्ताक्षर भएसँगै केयरगिभर, कृषि, होटल र रेस्टुरेन्ट, निर्माणलगायतका क्षेत्रमा नेपालीलाई रोजगारीको अवसर आउने अपेक्षा गरिएको छ ।
दूतावासका अनुसार प्रत्येक क्षेत्रका लागि कार्यान्वयन प्रोटोकलमा हस्ताक्षर गरेपछि मात्रै श्रमिक भर्नाको प्रक्रिया सुरु हुने गोरखापत्रमा खबर छ ।
प्रतिक्रिया