यस्तो छ बुद्ध एयरको नयाँ गन्तव्यको हवाई भाडादर !

बैशाख ५, २०७८ | आजको अर्थ
ajaako_artha

बुद्ध एयरले थप चार वटा नयाँ रुटमा अन्तर प्रदेश उडान गर्ने भएको छ । एयरले वैशाख १८ गतेदेखि पोखरादेखि सिमरा, बिराटनगर, नेपालगञ्ज र भरतपुरबाट भैरहवा उडान सुरु गर्ने भएको हो । 

बुद्ध एयरले पोखरा–सिमरा–पोखरा, पोखरा–बिराटनगर–पोखरा, पोखरा–नेपालगञ्ज–पोखरा, भरतपुर भैरहवा भरतपुर र तुम्लिङटार(विराटनगर(तुम्लिङटार रुटमा हवाई उडान शुरु गर्ने जनाएको छ ।

योसँगै बुद्ध एयरले विभिन्न ३४ वटा रुटमा दैनिक १२० उडान गर्ने जनाएको छ । हाल बुद्ध एयरले दैनिक १०० वटा उडान गर्दै आएको छ । 

पहिलो पटक अन्तर प्रदेश ६ नयाँ स्थानमा उडान विस्तार गर्न लागेको कम्पनीले हवाई भाडादर समेत सार्वजनिक गरेको छ ।

कम्पनीले सार्वजनिक गरेको भाडादर अनुसार पोखरा–नेपालगञ्जका लागि न्यूनतम ४ हजार ५ सय, पोखरा–विराटनगरका लागि ६ हजार, पोखरा–सिमराका लागि ४ हजार ३ सय, तुम्लिङटार–विराटनगरका लागि २ हजार ५ सय, पोखरा–भैरहवाका लागि ३ हजार १ सय र भैरहवा–भद्रपुरका लागि २ हजार ५ सय रुपैयाँ तोकिएको छ ।

यी उल्लेखित भाडादर एटीआर–७२ को सञ्चालन खर्चमा आधारित भएर निर्धारण गरिएको कम्पनीले जनाएको छ । यद्यपी सुरुवाती उडानहरु यही भाडादरमा कम्पनीका सानो जहाज ‘विचक्राफ्ट’ बाट उडान भर्ने र यात्रुहरूको चाप र माग बढे आगामी दिनहरुमा उडानहरूलाई दैनिक बनाई ठूला जहाज एटीआरबाट समेत उडान भर्ने कम्पनीले बताएको छ । 

हाल कम्पनीले मुलुकका २० भन्दा बढि स्थानमा दैनिक १२० भन्दा बदी उडान भर्दै आएको छ । यसैगरी, बुद्धले अन्तर्राष्ट्रिय तर्फ भारतको कलकत्ता र बनारसमा उडान भर्दै आइरहेको छ ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८