निषेधाज्ञामा मौलाएको जुवा : ४० दिनमा काठमाडौंबाट मात्रै ७७ जुवाडे पक्राउ, अस्पतालको कार्ड प्रयोग

जेठ २६, २०७८ | आजको अर्थ
ajaako_artha

कोभिड महामारीका कारण देशका अधिकांश भागमा निषेधाज्ञा जारी छ । निषेधाज्ञाको अवधिमा काठमाडौंभित्र जुवा मौलाएको छ । केही साताको अन्तरमा काठमाडौंका केही जुवाखालमा गरेको प्रहरीको छापाले त्यसलाई पुष्टि गरेको छ । 

प्रहरीका अनुसार निषेधाज्ञाको करिब ४० दिनमा काठमाडौंबाट मात्रै ७७ जुवाडे पक्राउ परेका छन् । पक्राउ परेकामध्ये अधिकांश व्यापारी छन् । उनीहरूविरुद्ध प्रहरीले जुवा ऐनअन्तर्गत कारबाही प्रक्रिया अघि बढाएको छ । यस अवधिमा जुवासँग सम्बन्धित आठवटा मुद्दा प्रहरीले दर्ता गरेको छ ।

मंगलबार बुढानीलकण्ठ–१० ज्योतिनगरस्थित दीपा कार्कीको घरबाट धादिङ धुनीबेँसी–२ का ३३ वर्षीय सुरेन्द्र खकुरेलको नेतृत्वमा जुवा चलिरहेको आवस्थामा ७६ हजार एक सय २० रुपैयाँ र तास प्रहरीले बरामद गरेको छ । साथै पाँच जनालाई पक्राउ गरेको छ ।

जुवा भइरहेको सूचना पाएपछि प्रहरीले २४ जेठमा गोंगबुचोकस्थित फ्रिदा जोशीको कोठाबाट कलंकीकी ४५ वर्षीया रसिता जोशीले १० जनालाई पक्राउ गरेको छ । प्रहरीले दुई लाख १५ हजार पाँच सय बरामद गरेको छ । 

न्युरोडस्थित अजय श्रेष्ठको कोठाबाट गत २२ जेठमा प्रहरीले तस खेलिरहेको अवस्थमा १५ जना पक्राउ गरेको छ । जुवाखालबाट प्रहरीले १३ लाख ४३ हजार रुपैयाँ बरामद गरेको छ । खालका नाइके कागेश्वरी मनोहरा–८ का ४९ वर्षीय विनोद कार्की थिए ।

साथै गत २८ बैसाखमा काठमाडौंको बत्तीपोखरीस्थित फेवा दर्शन होटेलबाट पनि प्रहरीले १० लाख ९७ हजार रुपैयाँ बरामद गरेको थियो । त्यस्तै जुवा खेल्न प्रयोग हुने क्वाइन र तीसवटा तासका बण्डल पनि फेला पारेका थिए । त्यहाँबाट प्रहरीले २५ जना पक्राउ गरेको छ । 

अस्पतालको कार्ड प्रयोग गरी जुवा 
जुवाडेले अस्पताल र हेल्थ क्लबको परिचयपत्र प्रयोग गरेको घटनाबाट पुष्टि भएको छ । प्रहरीका अनुसार जुवा खालमा पक्राउ परेकाबाट अस्पताल, हेल्थ क्लब, हेल्थ पोस्ट, हेल्थ क्लिनिक मात्र नभई सहकारीको समेत कार्ड बरामद भएका छन् । 

त्यसबाहेक मेडिकल सामग्री सप्लायर्सको कार्ड पनि बरामद भएका छन् । पक्राउ परेकामध्ये जग्गा कारोबारी र व्यापारी नै धेरै भएको प्रहरीले जनाएको छ ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८