सरकारमा जान तयार ठाकुर पक्ष

साउन ७, २०७८ | आजको अर्थ
ajaako_artha

काठमाडौं–जनता समाजवादी पार्टी (जसपा) को महन्थ ठाकुर पक्ष पनि सरकारमा जान तयार देखिएको छ। मन्त्रालय बाँडफाँटको विषयमा सत्तारूढ गठबन्धनसँग छलफल हुन भने बाँकी रहेको ठाकुर पक्षका नेताहरूले बताएका छन्।

प्रधानमन्त्री शेरबहादुर देउवासँग जसपा अध्यक्ष महन्थ ठाकुरले बुधबार भेट गरेका छन्। भेटमा प्रधानमन्त्री देउवाले ठाकुरलाई सरकारमा आउन प्रस्ताव गरेको ठाकुरनिकट नेता शरत्सिंह भण्डारीले बताए। उनका अनुसार भेटमा ठाकुरले जसपाले उठाउँदै आएका माग सम्बोधन गर्न प्रधानमन्त्रीलाई ध्यानाकर्षण गराएका थिए। 

जसपाले सरकारसँग मधेस आन्दोलनका क्रममा लगाइएको झुटो मुद्दा फिर्ता गर्नुपर्ने, लाल आयोगको प्रतिवेदन सार्वजनिक गर्नुपर्ने, संविधान संशोधन गर्नुपर्ने, नागरिकता विधेयक पास गर्ने तथा निलम्बित सांसद रेशम चौधरीलाई रिहा गर्नुपर्ने माग अघि सारेको छ।

भण्डारीका अनुसार देउवाले विश्वासको मत दिएर सहयोग गरेको चर्चा गर्दै सरकारमै सहयात्राका लागि प्रस्ताव गरेका थिए। ‘हाम्रो चासो हाम्रा माग र मुद्दा हुन्। तिनको सम्बोधन भए हामी सरकारमा जान सक्छौं,’ भण्डारीले भने। प्रधानमन्त्री देउवासँगको भेटपछि सरकारमा जान पार्टी सकारात्मक भएको पनि उनले बताए। 

मन्त्रालय बाँडफाँट र पावर सेयरिङबारे भने देउवासँग कुनै कुराकानी नभएको उनले बताए। ‘हामी सरकारमा जान सकारात्मक भएका मात्र हौं। मन्त्रालय बाँडफाँटबारे कुनै कुराकानी भएको छैन,’ उनले भने। स्रोतका अनुसार ठाकुर पक्ष सम्मानजनक हैसियत प्राप्त भए सरकारमा जानेछ। यो समाचार नागरिक दैनिकमा छ ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८