आज एकैदिन २२ कम्पनीको साधारण सभा, कुनको लाभां कति ?

पुस ३०, २०७८ | आजको अर्थ
ajaako_artha

काठमाडौं - आज विभिन्न २२ कम्पनीहरुको वार्षिक साधारण सभा हुँदैछ । कम्पनी ऐनअनुसार आर्थिक वर्षको ६ महिना भित्र नै साधारण सभा गरि सक्नु पर्ने प्रावधान भएकाले अधिकांश कम्पनीहरुले आज पुस मसान्तको दिन साधारण सभा बोलाएका हुन् । ६ वटा बैंक, ५ वटा लघुवित्त, ५ वटा वित्त कम्पनी, ५ वटा हाइड्रोपावर र एउटा बीमा कम्पनीको गरी कुल २२ कम्पनीको साधारण सभा आज बस्दैछ ।

कालिका लघुवित्त 
कालिका लघुवित्त वित्तीय संस्था लिमिटेडले १२ औं वार्षिक साधारण सभा आज गतेका बिहान ९ बजे होटल टास्क इन्टरनेशनल प्रा।लि को सभाहल पोखरा महानगरपालिका १० बुद्धचोक कास्कीमा बस्दैछ । कम्पनीले गत आर्थिक वर्षको मुनाफाबाट शेयरधनीहरुलाई १३ प्रतिशत हुन आउने ३ करोड ५९ लाख ९४ हजार ५१६ रुपैयाँ बराबरको ३ लाख ५९ हजार ९४५ कित्ता बोनश जारी गर्न प्रस्ताव गरेको छ ।

जनउत्थान सामुदायिक लघुवित्त
जनउत्थान सामुदायिक लघुवित्त वित्तीय संस्थाको वार्षिक साधारण सभा आजे न्यू ईरा बुटवल उप महानगरपालिका ९ कालिकापथमा बिहान ११ बजे बस्दैछ । कम्पनीले गत आर्थिक वर्षको मुनाफाबाट शेयरधनीहरुलाई २५ प्रतिशत बोनस शेयर र १ दशमलव ३१ प्रतिशत नगद लाभांश वितरण गर्ने प्रस्ताव गरेको छ ।

फरवार्ड माईक्रोफाइनान्स लघुवित्त
फरवार्ड माईक्रोफाइनान्स लघुवित्त वित्तीय संस्था लिमिटेडको नवौं वार्षिक साधारण सभा आज बिहान ११ बजे भर्चुअल माध्यमबाट बस्दैछ । सभाले गत आर्थिक वर्षको मुनाफाबाट शेयरधनीहरुलाई ३५ प्रतिशत बोनस शेयर र ७ प्रतिशत कर सहित नगद लाभांश वितरण गर्ने प्रस्ताव पारित गर्नेछ ।

आरएमडिसी लघुवित्त वित्तीय संस्था
आरएमडिसी लघुवित्त वित्तीय संस्थाको २३ औं वार्षिक साधारण सभा आज अमृतभोग कालिकास्थानमा बिहान ११ बजे भर्चुअल माध्यमबाट बस्दैछ ।
सभाले गत आर्थिक वर्षको मुनाफाबाट शेयरधनीहरुलाई २० प्रतिशत बोनस शेयर र ५ प्रतिशत नगद लाभांश कर प्रयोजनका लागि वितरण गर्ने प्रस्ताव पारित गर्नेछ ।

आँधीखोला लघुवित्त
आँधीखोला लघुवित्त वित्तीय संस्था लिमिटेडको पाँचौ वार्षिक साधारण सभा आज बिहान ११ः३० बजे होटल गाँयबेशीको सभाहल वालिङ स्याङ्जामा बस्दैछ । सभाले गत आर्थिक वर्षको मुनाफाबाट शेयरधनीहरुलाई १९ प्रतिशत बोनस शेयर र १ प्रतिशत नगद लाभांश वितरण गर्ने प्रस्ताव पारित गर्ने छ । 

नबिल बैंक
नबिल बैंक लिमिटेडले ३७औं वार्षिक साधारण सभा आज बिहान ९ः३० बजे बैंकको केन्द्रिय कार्यालय परिसर नबिल सेन्टर दरबारमार्ग काठमाडौंमा सुरु गर्ने भएको छ । उक्त सभाले गत आर्थिक वर्षको मुनाफाबाट प्रत्येक १०० शेयर बराबर ३३.६० शेयर वा प्रत्येक शेयरको ३३.६० प्रतिशतको अनुपातमा बोनस शेयर र ४।४० ९४।४० प्रतिशतका दरले० नगद लाभांश वितरण गर्न प्रस्ताव पारित गर्नेछ ।

सिद्धार्थ बैंक
सिद्धार्थ बैंक लिमिटेडले आज ११ बजे सिल्भर ओक बैंङक्वेट गैह्रिधारामा भौतिक रुपमा आव्हान गरेको २० औं वार्षिक साधारण सभा भर्चुअल माध्यमबाट सभा गर्ने भएको छ । सभाले गत आर्थिक वर्षको मुनाफाबाट शेयरधनीहरुलाई १५ प्रतिशत लाभांश वितरण गर्ने प्र्रस्ताव पारित गर्नेछ । 

हिमालयन बैंक
हिमालयन बैंक लिमिटेडको २९औं वार्षिक साधारण सभा आज बिहान ११ बजे कम्पनीको केन्द्रीय कार्यालय कमलादी काठमाडौंमा भर्चुअल माध्यमबाट बस्दैछ । सभाले गत आर्थिक वर्षको मुनाफाबाट शेयरधनीहरुलाई २१ दशमलव ३८ प्रतिशत बोनस शेयर कर प्रयोजनका लागि ४ दशमलव ६२ प्रतिशत नगद लाभांश गरी २६ प्रतिशत लाभांश वितरण गर्ने प्रस्ताव पारित गर्नेछ ।

सिभिल बैंक लिमिटेड
सिभिल बैंकको ११ औं वार्षिक साधारण सभा आज बिहान ११ बजे आम्रपाली ब्याकेंट बालुवाटार काठमाडौमा भर्चुअल माध्यमबाट बस्दैछ ।उ
सभाले गत आर्थिक वर्षको मुनाफाबाट शेयरधनीहरुलाई ५ प्रतिशत बोनस शेयर र कर प्रयोजनका लागि शून्य दशमलव २६ प्रतिशत नगद लाभांश गरि कुल ५ दशमलव २६ प्रतिशत लाभांश वितरण गर्न प्रस्ताव गरेको छ ।

कर्पोरेट डेभलपमेन्ट बैंक
कर्पोरेट डेभलपमेन्ट बैंकले चौधौं वार्षिक साधारण सभा आज होटल भिश्वा, विरगञ्ज, पर्सामा बेलुका ५ः४५ मा बस्दैछ । कम्पनीले लाभांश प्रस्ताव गरेको छैन । सभाले गत आवको वार्षिक प्रतिवेदन उपर छलफल गरी पारित गर्नेछ ।

सेञ्चुरी बैंक
सेञ्चुरी बैंक लिमिटेडलको एघारौं वार्षिक साधारण सभा आज आर्मी अफिसर्स क्लब, भद्रकाली काठमाडौंमा बिहान ११ बजे बस्दैछ । सभाले गत आवको मुनफाबाट शेयरधनीहरुलाई प्रस्ताव गरेको ७।७५ प्रतिशत बोनस शेयर र शुन्य दलशमल ३० प्रतिशत नगद लाभांश (कर प्रयोजनका लागि) गरी कुल ८.५ ५ लाभांश पारित गर्नेछ ।

रिलायन्स फाइनान्स लिमिटेड
रिलायन्स फाइनान्स लिमिटेडको बाह्रौं वार्षिक साधारण सभा आज बिहान ११ बजे संस्थाको मुख्य कार्यालय प्रर्दशनीमार्ग काठमाडौंमा भर्चुअल माध्यमबाट बस्दैछ । सभाले गत आर्थिक वर्षको मुनाफाबाट शेयरधनीहरुलाई १५ प्रतिशत बोनस शेयर र कर प्रयोजनको लागि शून्य दशमलव ७९ प्रतिशत नगद लाभांश दिने प्रस्ताव गरेको छ ।

पोखरा फाइनान्स
पोखरा फाइनान्सको वार्षिक साधारण सभा कम्पनीले आज बिहान ९ बजे दरबारथोक ब्याक्वेंट बास्तोलाथर पोखरा ९ कास्कीमा भर्चुअल माध्यमबाट सभा बस्दैछ । कम्पनीले गत आर्थिक वर्षको मुनाफाबाट शेयरधनीहरुलाई ८ दशमलव ०७ प्रतिशत बोनस शेयर र शून्य दशमलव ४२ प्रतिशत नगद लाभांश वितरण गर्ने प्रस्ताव गरेको छ ।

मल्टीपर्पस फाइनान्स
मल्टीपर्पस फाइनान्सको वार्षिक साधारण सभा आज दिउँसो १ बजे सप्तरीको राजविराजस्थित कम्पनीको केन्द्रिय कार्यालयमा बस्दैछ । कम्पनीले गत आर्थिक वर्षको मुनाफाबाट शेयरधनीहरुलाई १३ प्रतिशत बोनस शेयर र शून्य दशमलव ६८ प्रतिशत नगद लाभांश कर प्रयोजनको लागि वितरण गर्ने प्रस्ताव गरेको छ ।

सेन्ट्रल फाइनान्स
सेन्ट्रल फाइनान्स लिमिटेडले २५औं वार्षिक साधारण सभा कम्पनीको केन्द्रीय कार्यालय, कानदेवस्थान, कुपण्डोल ललितपुरमा बिहान ११ बजे भर्चुअलमाध्यमबाट बस्दैछ । सभाले गत आवको मुनाफाबाट शेयरधनीहरुलाई प्रस्ताव गरेको ७.७ प्रतिशत बोनस शेयर र ३.३ प्रतिशत नगद लाभांश पारित गर्नेछ ।

समृद्धि फाइनान्स
समृद्धि फाइनान्स लिमिटेडले २०औं वार्षिक साधराण सभा आजे होटेल एभोकाडो ‘अर्किड रिर्सोट’ हेटौंटा मकवानपुरमा बिहान १० बजे भर्चुअल माध्यमबाट बस्दैछ । सभाले गत आवको मुनाफाबाट शेयरधनीहरुलाई लाभांश प्रस्ताव गरेको छैन । सोही सभाले गत आवको वार्षिक प्रतिवेदन उपर छलफल गरी पारित गर्ने र संस्थापक समूहतर्फबाट र सर्वसाधारण समूहतर्फबाट गरी कुल ६ जना संचालक चयन गर्ने प्रस्तावलाई पारित गर्नेछ । 

मैलुङ खोला जलविद्युत कम्पनी
मैलुङ खोला जलविद्युत कम्पनी लिमिटेडले आठौं वार्षिक साधारण सभा आज लैनचौर ब्यांक्वेट लैनचनैरमा बिहान ११ बजे भर्चुचुल माध्यमबाट बस्दैछ । साधारण सभा प्रयोजनका लागि पुस २१ गते एक दिनका लागि बुक क्लोज गरेको हुँदा पुस २० गतेसम्म कायश शेयरधनीहरुले मात्र सभामा भाग लिन पाउनेछन् ।

खानी खोला हाइड्रोपावर
खानी खोला हाइड्रोपावर कम्नीको ३ आर्थिक वर्षको वार्षिक साधारण सभा आज कम्पनीको रजिष्टर्ड कार्यालयमा बिहान १० बजे भर्चुअल माध्यमबाट बस्दैछ । कम्पनीले साधारण सभा प्रयोजनका लागि पुस ९ गतेदेखि पुस ३० गतेसम्म बुक क्लोज गरेको हुदाँ पुस ८ गतेसम्म कायम शेयरधनीहरुले मात्र सभामा भाग लिन पाउनेछन् ।

छ्याङ्दी हाइड्रोपावर
छ्याङ्दि हाइड्रोपावरले आठौं वार्षिक साधारण सभा आज कम्पनीको केन्द्रीय कार्यालय गैह्रीधारा काठमाडौंमा बिहान ११ बजे बस्दैछ। सभा भर्चुअल माध्यमबाट हुनेछ । सभाले ३० प्रतिशत हकप्रद जारीपश्चात् कायम हुने चुक्तापूँजीको ४० प्रतिशत हकप्रद जारी गर्ने र सोअनुरुप हुने गरी कम्पनीको प्रबन्धपत्रमा संशोधन गर्नेछ ।

हिमालयन पावर पार्टनर
हिमालयन पावर पार्टनरले नवौं वार्षिक साधारण सभा आज लैनचौर ब्याङ्क्वेट, लैनचौर काठमाडौंमा बिहान ९ बजे भर्चुअल माध्यमबाट बस्दैछ । कम्पनीले गत आवको मुनाफाबाट शेयरधनीहरुलाई कुनै पनि लाभांश वितरण प्रस्ताव गरेको छैन । सोही सभाले गत आवको वार्षिक प्रतिवेन उपर छलफल गरी पारित गर्ने, संस्थापक समूहबाट ४ जना र सर्वसाधारण शेयरधनीसमूहबाट २ जना गरी ६ जना संचालक निर्वाचन गर्ने प्रस्ताव पारित गर्नेछ ।

कालिका पावर कम्पनी
कालिका पावरको वार्षिक साधारण सभा आज बिहान ११ बजे कम्पनीको रजिष्टर्ड कार्यालय भरतपुर १० चितवनामा बस्दैछ। उक्त सभाले गत आर्थिक वर्षको मुनाफाबाट शेयरधनीहरुलाई १५ प्रतिशत बोनस शेयर र ० दशमलव ७८ प्रतिशत कर प्रयोजनाका लागि नगद लाभांश वितरण गर्ने प्रस्ताव पारित गर्नेछ ।

सानिमा जनरल इनस्योरेन्स
सानिमा जनरल इन्स्योरेन्स कम्पनीले चाथौं वार्षिक साधारण सभा आज स्मार्ट क्याफे एण्ड बैंक्वेट, धुम्बाराही चोक, काठमाडौंमा बिहान ११ बजे भर्चुअल माध्यमबाट बस्दैछ । कम्पनीको उक्त सभाले गत आवको वार्षिक प्रतिवेदन उपर छलफल गरि पारित गर्ने, सोही आवको नाफा नोक्सान, हिसाब वासलात माथि छलफल गरि पारित गर्नेछ ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८