ताप्लेजुङ - मैवाखोला गाउँपालिका वडा नं. २ मा एकिकृत समाजवादीको प्यानलै विजयी भएको छ । एकिकृत समाजवादीका नरेन्द्र लिम्बू वडा अध्यक्षमा विजयी भएका हुन् । उनले ३७१ मत ल्याएका छन् ।
यस्तै उनका प्रतिस्पर्धी नेकपा एमालेका लोकमान वनेमले ३४६ मत ल्याएका छन् । साथै संघीय लोकतान्त्रिक राष्ट्रिय मञ्चका पुर्ण बहादुर लिम्बूले १७ मत प्राप्त गरेका छन् ।
त्यस्तै खुल्ला सदस्यहरुमा दानुपु शेर्पा ३६२ मत र रविन्द्र कुमार वनेम ३६० मत प्राप्त गरेका छन् । महिला सदस्यमा दिलमाया शेर्पा ३७१ साथै दलित महिला सदस्यमा तुलसा बराईली ३७१ मत प्राप्त गर्दै विजयी भएका छन् ।
प्रतिक्रिया