काठमाडौं - आइआइएफएल वेल्थ हुरुन इंडिया रिच लिस्ट २०२२ बुधबार प्रकाशित भएको छ । यस लिस्टमा अडाणी ग्रुपका अध्यक्ष गौतम अडाणी १०।९४ लाख करोड भारतीय रुपैयाँको सम्पत्तिसँगै पहिलो नम्बरमा छन् ।
दोस्रो नम्बरमा रिलायंस इन्डस्ट्रीजका अध्यक्ष मुकेश अम्बानी छन् । उनको सम्पत्ति ७.९४ लाख करोड रुपैयाँ छ । ३० सेप्टेम्बर २०२१ मा जारी भएको पछिल्लो हुरुन लिस्टपछि अडाणीले हरेक दिन १६१२ करोड रुपैयाँले सम्पत्ति बढेको देखिएको छ ।
अम्बानीले यो अवधिमा हरेक दिन २१० करोड कमाई गरेका छन् । अडाणीको सम्पत्तिमा ११६ प्रतिशतको वृद्धि भएको छ भने अम्बानीको सम्पत्तिमा ११ प्रतिशतको मात्रै वृद्धि देखिएको छ ।
२०२१ को हुरुन रिच लिस्टमा अम्बानी पहिलो र अडाणी दोस्रो नम्बरमा परेका थिए । यो सूचीमा तेस्रो नम्बरमा साइरस पूनावाला, चौथोमा पर नाडार र ५ औं नम्बरमा राधाकिशन दमानीको नाम छ ।
भारतको सबैभन्दा नयाँ एडटेक यूनिकर्न फिजिक्स वाला को–फाउंडर अलख पाण्डे, प्रतीक माहेश्वरी र क्विक कमर्स जेप्टाको को–फाउंडर कैवल्य वोहरा पहिलापटक हुरुन इंडिया रिच लिस्टमा समावेश भएका हुन ।
हुरुन लिस्टको सुरुवातपछि पहिलोपटक लिस्टमा समावेश धनीहरुको कुल सम्पत्ति १ सय लाख करोड रुपैयाँ पुगेको छ । यो सिंगापुर, यूएई र साऊदी अरबको संयुक्त जीडीपी भन्दा धेरै हो ।
हुरुनले आईआईएफएल वेल्थसँगको साझेदारीमा हुरुन इन्डिया रिचलिस्टको ११ औं वार्षिकोत्सव संस्करण सुरु भएको हो ।
प्रतिक्रिया