प्रथम गर्भनर राणाको निधनबाट मुलुकलाई अपुरणीय क्षति

१ बर्ष अगाडि

काठमाडौँ- नेपाल राष्ट्र बैंकका प्रथम गभर्नर हिमालय शमशेर राणाको निधनबाट मुलुकलाई अपुरणीय क्षती भएको भन्दै अर्थमन्त्री विष्णु पौडेलले ट्वीट गर्नुभएको छ । यसैगरी नेपाल राष्ट्र बैंकका  गर्भनर महाप्रसाद अधिकारीले बैंकका संस्थापक गभर्नर हिमालय शमशेर राणाको निधनले मुलुकको अर्थतन्त्रमा अपूरणीय क्षति पुगेको बताउनुभएको छ ।

राणा निवास थापाथलीमा पुगी पार्थिव शरीरमा श्रद्धाञ्जली अर्पण गर्दै गभर्नर अधिकारीले राणाको निधनले नेपालको अर्थतन्त्रमा निकै ठूलो क्षति भएको बताउनुभयो । “समग्र अर्थतन्त्र र बैङ्किङ क्षेत्रमा उहाँको निधनले ठूलो क्षति पुगेको छ, यो क्षेत्रले अभिभावक गुमाएको छ ।”

केन्द्रीय बैङ्कको सोच, आवश्यकता, स्थापना, दृष्टिकोण ल्याउने व्यक्तित्व राणाले मुलुकको आर्थिक क्षेत्रमा भएको योगदान चर्चा गरेर नसकिने भन्दै अधिकारीले राणाले अर्थ सचिवका साथै नेपालको प्रतिनिधिकारुपमा संयुक्त राष्ट्र सङ्घमा काम गरेको स्मरण गर्नुभयो । 

देशको सार्वभौमसम्बन्धी महत्वपूर्ण मुद्दा सम्बोधनका लागि बैङ्क स्थापना गरी नेपाली एकल मुद्राको सञ्चालन गर्ने अभियानकैरुपमा संस्थापक राणाले ठूलो योगदान गर्नुभएको थियो । 

भारतीय मुद्रासँग नेपाली मुद्राको उहाँको प्रयासमा भएको निर्धारण भएको सटही दर अहिले पनि कायम छ । गभर्नर अधिकारीले भन्नुभयो, “त्यस बेला नेपालमा भारतीय मुद्राको व्यापकरुपमा चलन चल्तीमा थियो, भारती मुद्रासँग नेपाली मुद्राको सटही दर कायम गर्ने ठूलो चुनौती थियो, सबै जनताको भावनालाई बुझेर तय गरेको उही दर हाल कायम छ ।”

राष्ट्र बैंकका संस्थापक राणाको आज बिहान उपचारका क्रममा थापाथलीस्थित नर्भिक इन्टरनेशनल अस्पतालमा उपचारका क्रममा निधन भएको हो । उहाँलाई निमोनिया सङ्क्रमण भएको थियो ।

१ बर्ष अगाडि

प्रतिक्रिया