बच्चालाई भान्साको काममा किन खटाउने ? यी हुन् ५ फाइदा

कात्तिक २५, २०७६ | आजको अर्थ
ajaako_artha


हामी चाहन्छौं, आफ्नो बच्चा सिपालु होस् । सबै काममा पोख्त होस् । व्यवहारिक होस् ।

यसका लागि के गर्ने ?
सजिलो काइदा छ, घरायसी कामधन्दा सिकाउने । अहिले हामी बच्चालाई स्मार्ट वा वौद्धिक बनाउने चक्करमा किताबमा मात्र घोकाउँछौं । विद्यालय भन्दा बाहिरको संसार देखाउँदैनौं ।

जबकी हरेक आमाबुबाले आफ्नो बच्चाको उज्जवल भविष्य चाहन्छन् । आफ्नो बच्चा हरेक कुरामा अब्बल आउन भन्ने चाहना सबै आमाबुबाको हुन्छ ।

हुन पनि बदलिँदो समयसँगै बच्चाहरु बहुप्रतिभाशाली हुनुपर्ने आवश्यकता हुँदै गएको छ । आफ्नो बच्चा हरेक कुरामा फिट होउन् भनेर आमाबुबाले त्यसै अनुसार उनीहरुलाई तयार गर्नुपर्छ ।

आमाबुबाले आफ्नो बच्चालाई पढाईमा मात्रै केन्द्रित गर्नुहुन्न उनीहरुलाई जीवन उपयोगी सीपहरु पनि सिकाउनु पर्छ ।

आमाबुबाले बच्चा स्कूल जान लायक भएपछि उनीहरुलाई विभिन्न अतिरिक्त क्रियाकलापमा पनि लगाउनुपर्छ । पढाईलेखाई, खेलकुद, ब्रेन एक्टिभिटी ट्रेनिङको साथसाथै अब बच्चालाई खाना बनाउन पनि सिकाउनुपर्छ ।

बच्चाहरुलाई खाना बनाउन सिकाउनाको धेरै फाइदाहरु छन् । उनीहरुले खाना बनाउन मात्रै सिक्दैनन् । यसबाट उनीहरुले खानाको महत्व बुझ्छन् र कुन खानामा कस्तो पोषणतत्वहरु पाइन्छ भन्ने बारेमा पनि थाहा पाउँछन् ।

मद्दत गर्न सिकाउनुहोस् 
खाना पकाउँदा यदि तपाईको नजिकै बच्चा छन् भने उनीहरुसँग सानो सानो सहयोग लिन सुरुवात गर्नुहोस् । जस्तोः फ्रिजबाट सागसब्जी निकाल्न वा पानि सारिदिन लगाउन सक्नुहुन्छ ।

यसले बच्चामा नयाँ नयाँ चीजको बारेमा जान्ने जिज्ञासा हुन्छ । त्यस्तै जब उनीहरु कुकिङको यी सबै कुराहरुलाई नजिकैबाट देख्छन् यसले उनीहरुलाई कुन खानेकुरा कसरी बनाइन्छ भन्ने बारेमा पनि सिक्न चाहन्छन् ।

सबैखाले खानेकुरा खान सिकाउनुहोस्
धेरैजसो आमाबुबाको एउटै गुनासो हुन्छ कि उनीहरुको बच्चा सबै खालको सागसब्जी वा खाना खाँदैनन् । यो यसकारणले पनि हुन सक्छ कि खानपानको धेरै जसो चीजहरु या त बच्चाले कहिलेकाँही देख्छन वा पहिलोपटक देख्दैछन् ।

त्यस्तै केही सागसब्जी उनीहरुलाई मन पर्दैन तर तपाईंले उनीहरुलाई गाली गर्नको सट्टा माया गरेर खान लगाउनुपर्छ । त्यस्तै तपाईंले दैनिक खाना बनाउँदा बच्चाहरुसँग खानपिनको चीजहरुको बारेमा कुरा गर्नुभएमा उनीहरु ती चीजलाई चाख्न चाहन्छन् ।

स्वस्थ खाना खान सिकाउनुहोस्
खाना बनाउँदा बनाउँदै बच्चालाई खाना बनाउन प्रयोग भइरहेको सामग्रीहरुको फाइदाहरु र त्यसमा हुने पोषक तत्वहरुको बारेमा कुरा गर्नुहोस् ।

विस्तारै विस्तारै उनीहरु आँफै फलफूल, सागसब्जी र अरु खानपिनका चीजहरुको बारेमा आँफै सोध्न सुरु गर्नेछन् ।

बच्चासँग घुलमिल हुनुहोस्
बच्चासँग घुलमिल हुन र उनीहरुको सोखको बारेमा जान्नको लागि किचनभन्दा राम्रो अर्को ठाँउ हुँदैन । बच्चा चञ्चल हुन्छन् त्यसैले अरुबेलामा उनीहरुलाई अगाडि राखेर आफ्नो कुरा भन्न र सुनाउन थोरै मुस्किल हुन्छ ।

यस्तोमा किचनमा हुने फरकफरक कुकिङ एक्टिभिटीहरुले उनीहरुलाई तपाईं तर्फ आकषिर्त गर्छ र उनीहरु केही समय त्यहाँ बिताउन चाहन्छन् । त्यसैले उनीहरुसँग कुराकानी गर्दै घुलमिल हुने उपयुक्त समय यहि हो ।

आत्मनिर्भर बनाउनुहोस्
करियर बनाउनको लागि धेरैजसो बच्चालाई किशोरावस्था मै घरबाहिर होस्टल वा छुट्टै कोठामा रहेर पढ्नुपर्छ । यस्तो स्थितीमा तपाईंले सिकाउनुभएको खाना बनाउने सीप बच्चालाई सबैभन्दा धेरै काम आउँछ ।

उनीहरु मनपर्ने खाना वा स्वस्थ खानाको लागि कसैमा निर्भर नभई आँफै खाना बनाउनको लागि तयार हुन्छन् ।

बच्चाको उमेरअनुसार उनीहरुलाई सजिला परिकारहरु पनि बनाउन सिकाउनुहोस् ताकी उनीहरु पनि स्वस्थ खाना सुखी जीवनशैलीको सही अर्थ बुझ्न सकोस् ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar११४.५२११५.१२
European Euro१२६.९४१२७.६०
UK Pound Sterling१४८.१६१४८.९४
Swiss Franc११५.६५११६.२६
Australian Dollar७७.९७७८.३८
Canadian Dollar८६.०९८६.५४
Singapore Dollar८४.१३८४.५७