काठमाडौँ - फिल्म ‘मोदीबेनी’ को ट्रेलर सार्वजनिक भएको छ। सार्वजनिक ट्रेलरमा वर्षा शिवाकोटी, अमर प्रताप श्रेष्ठ र प्रवीण खतिवडा लगायतका कलाकारहरु फिचर्ड छन्।

ट्रेलर त्रिकोणात्मक प्रेम कथावरिपरि घुमेको छ। यो पर्वत जिल्लाको मोदीबेनी क्षेत्रमा घटेको अविश्वसनीय घटनामा आधारित छ। फिल्मको थिमअनुसार रहस्यमय कथाको छनक पनि ट्रेलरमा देख्न सकिन्छ। यसै फिल्मार्फत अमरले डेब्यु गर्दै छन्।

फिल्ममा सरोज खनाल, कमलमणि नेपाल, जीवन भट्टराई, सरोज अर्याल,रेजिना उप्रेती, अनामिका लामिछाने, स्नेहा भट्टराई, लाबिस गर्तौला, सुब्रत आचार्य लगायतको अभिनय रहेको छ। यो चलचित्रलाई आनन्द विक्रम क्षेत्रीले लेखेका छन्। फिल्मका निर्माता भने दिलिप केसी हुन्। यस चलचित्रलाई रिच इन्टरटेन्मेन्टले काठमाडौं उपत्यका र एफडी कम्पनीले उपत्यका बाहिर वितरण गर्दै छन्।