काठमाडौँ - फिल्म ‘बेहुली फ्रम मेघौली’ नयाँ गीत सार्वजनिक भएको छ।।

यो गीत जयन जे वाइवाले तयार पारेका हुन्। गीतको शब्दसँगै संगीतर र ऐरेन्ज पनि वाइवानै गरेका छन्। गीतमा कालीप्रसाद बास्कोटा, बबिना किराँती र निश्चल बस्नेतको स्वर छ। गीतको भिडिओमा निश्चल र स्वस्तिमा खड्का, विजय बराल लगायतका कलाकारलाई देख्न सकिन्छ। गीतमा जोडीको रुपमा निश्चल र स्वस्तिमाले छमछमी नाचेका छन्।

फिल्ममा बसुन्धरा भुषाल, सिमरन खड्का, लोकेन्द्र लेखक, रक्षा थापा, सिरु बिष्ट, आमिर गौतम, शिशिर सिवाकोटी, टीका पहारी, प्रभाकर शर्मा, लुनिभा तुलाधर, मुकुन्द मैनाली र रामबाबु रेग्मीको अभिनय रहेको छ।

ब्ल्याक हर्स पिक्चर्स र मेघौली फिल्मस्को ब्यानरमा निर्माण भएको सिनेमामा साजन काफ्ले र आकाश बरालको लेखन तथा निर्देशन रहेको छ। अभिनेता विजय बराल कास्टिङ डिरेक्टर रहेको सिनेमामा नरेन्द्र मैनालीले छायांकन गरेका हुन्। यो फिल्म आगामी असोज १७ गते घटस्थापनामा रिलिज हुनेछ।