काठमाडौँ - भौतिक पूर्वाधार तथा यातायात व्यवस्था मन्त्रालयले अघिल्लो आर्थिक वर्षको ८ अर्ब ६६ करोड रुपैयाँ भुक्तानी हुन बाँकी रहेको बताएको छ । 

विभिन्न निर्माण कम्पनीहरुलाई बजेट अभावका कारण भुक्तानी दिन नसकिएको भन्दै मन्त्रालयले सो रकमको विवरण संकलन भएको र बजेट व्यवस्थापन गरी भुक्तानीको पहल थालिएको जानकारी दिएको छ । 

आइतबार आयोजित पत्रकार सम्मेलनमा मन्त्री देवेन्द्र दाहालले नागढुंगा गुरुङमार्गको मुख्य टनेलमा श्रवणमा मात्र १८८ मिटर कंक्रिट लाइनिङ कार्य सम्पन्न भई २ हजार ४२६ मिटर लाइनिङ कार्य सम्पन्न भएको जानकारी दिए । यसै गरी ११२६ मिटर लामो सिद्धबाबा सुरुङमार्ग अन्तरगर्त १४४ मिटर सुरुङ खन्ने कार्य सम्पन्न भएको पनि उनले जानकारी दिए ।