काठमाडौं–राष्ट्रिय प्रजातन्त्र पार्टी (राप्रपा) का वरिष्ठ उपाध्यक्ष रविन्द्र मिश्रले प्रचण्ड सचिवालयको खण्डनप्रति भद्रतापूर्वक विमति राखेको बताएका छन् ।  
उनले प्रचण्ड सचिवालयको खण्डनलाई भद्रतापूर्वक विमति राखेको भन्दै आभार व्यक्त गरेका छन्।

मिश्रले आफ्नो फेसबुक वालमा टिप्पणी गर्दै लेखेका छन्, ‘ठूला नेताहरूसँग भेट्दा यो कुराचाहिँ बाहिर नगरौँ र हामी बीचमा रहोस् भनिएका कुरा म कहिल्यै पनि सार्वजनिक गर्दिन। र हिजोको हाम्रो संवादका हकमा पनि त्यही नै नीति अवलम्बन गरेको छु।

उनी अगाडि भन्छनु ‘संघीय लोकतान्त्रिक गणतन्त्रका नायक प्रचण्ड नै हुन्। काँग्रेस - एमाले लगायतका दल तथा नागरिक समाज सहायक पात्र हुन्। ती सबै ‘प्रचण्ड पथगामी’ हुन्। ’नेपालको संविधान २०७२’ वास्तवमा ’प्रचण्डको संविधान २०७२’ हो र प्रचण्ड नभएको भए नेपालमा कुनै हालतमा संविधानसभा मार्फत यो संविधान लेखिने थिएन भन्नेमा प्रष्ट छु।

उनले दाहालको सचिवालयले गरेको खण्डन पनि सामाजिक सञ्जालमा पोस्ट गरेका छन्।