बुधबार, ०७ जेठ २०८२
ताजा समाचार
गभर्नर नियुक्तिमा उमेर हद हटाएको विषयमा सर्वोच्चमा मुद्दा दायर
आजको अर्थ संवाददाता
सोमबार, ०१ बैशाख २०८२, १० : ०२
काठमाडौं- नयाँ गभर्नर नियुक्तिमा उमेरहद हटाएको विषयमा सर्वोच्च अदालतमा मुद्दा दायर भएको छ ।
केही समयअघि सरकारले नयाँ गभर्नर नियुक्तिका लागि ६५ वर्षसम्म उमेरहद रहेकोमा त्यो हटाएपछि सर्वोच्च अदालतमा मुद्दा दायर भएको हो ।अधिवक्ता विशाल थापाले आइतबार सर्वोच्चमा मुद्दा दायर गरेका हुन् ।
नेपाल राष्ट्र बैंककै योग्य ‘क्याडर’ र बजारमा नाम चलेका तथा गभर्नरको दौडमा देखिएका क्षमतावान र अर्थतन्त्र बुझेका आकांक्षीलाई पाखा लगाउँदै ‘आउटडेटेड’ व्यक्तीलाई केन्द्रीय बैंकको जिम्मेवारी दिने लक्ष्यसहित सरकारले नियुक्तीसम्बन्धी उमेर हदको मापदण्ड नै परिवर्तन गरेको थियो । अर्थमन्त्रालयले गभर्नर नियुक्तीका लागि जम्माजम्मी एक साता पनि बाँकी नरहेको समयमा सुटुक्क मापदण्ड नै परिवर्तन गरेको थियो ।
अर्थ मन्त्रालयले ‘सार्वजनिक निकायका पदाधिकारी तथा सदस्यको नियुक्ति र मनोनयनसम्बन्धी मापदण्ड’मा उमेर हद हटाएको थियो ।
सोमबार, ०१ बैशाख २०८२, १० : ०२
प्रतिक्रिया