शनिबार, २० बैशाख २०८२
ताजा समाचार
शिक्षकहरुको आन्दोलन : विद्यार्थी भर्ना र घरदैलो अभियान प्रभावित
आजको अर्थ संवाददाता
मंगलबार, ०२ बैशाख २०८२, १० : १९
काठमाडौं– नेपाल शिक्षक महासंघले विद्यालय शिक्षा ऐन जारी गर्नुपर्ने माग गर्दै काठमाण्डौमा भइरहेको शैक्षिक आन्दोलनलाई अझ सशक्त बनाउने घोषणा गरेको छ ।
महासङघले आन्दोलनलाई अन्तिम र निर्णायक चरणमा पुर्याउन भन्दै महासङघले उत्तरपुस्तिका परीक्षण, नतिजा प्रकाशन, प्रवेश परीक्षा, विद्यार्थी भर्ना, तालिम, गोष्ठी, सेमिनार तथा शैक्षिक भ्रमणजस्ता कुनै पनि शैक्षिक गतिविधिमा सहभागी नहुने बताएको छ । यही वैशाख ११ गतेदेखि शुरू हुने कक्षा १२ को परीक्षा सञ्चालनमा पनि शिक्षक कर्मचारी सहभागी नहुने भएका छन् ।
महासङघका अध्यक्ष लक्ष्मीकिशोर सुवेदीले सरकारले यथाशीघ्र शिक्षा ऐन ल्याएर विद्यालय शिक्षाको गुणस्तर सुधारतर्फ कदम चाल्नुपर्ने स्पष्ट माग गरिएको बताए । ऐन जारी नभएसम्म विद्यालय नफर्कने उनको अडान छ ।
सरकारले हिजैदेखि नयाँ भर्ना अभियान शुरू गरेर सबै शिक्षक तथा कर्मचारीलाई अभियानमा सहभागी हुन आग्रह गरेको छ ।
मंगलबार, ०२ बैशाख २०८२, १० : १९
प्रतिक्रिया