शनिबार, ०३ जेठ २०८२
ताजा समाचार
माओवादी जनताको बलमा सत्तामा पुगेको हो : अध्यक्ष दाहाल
आजको अर्थ संवाददाता
शनिबार, ०३ जेठ २०८२, १५ : २२
काठमाडौं- नेपाल कम्युनिस्ट पार्टी (माओवादी केन्द्र) का अध्यक्ष तथा पूर्व प्रधानमन्त्री पुष्पकमल दाहाल ‘प्रचण्ड’ले जनबलमा आफ्नो पार्टी सत्तामा पुगेको दाबी गरेका छन् ।
शुक्रबारदेखि सुरु भएको जनतासँग माओवादी (मध्यपहाडी लोकमार्ग) जनता जागरण अभियानअन्तर्गत आज डोटीमा आयोजित जनसभामा उनले माओवादीलाई कुनै राजनीतिक पार्टीले नभई जनताको मतबाट सत्तामा पुर्याएको बताए ।
उनले भने, ‘हामीलाई तपाईं हामी जस्तै गरिब, मजदुर, किसान, उत्पीडित वर्ग एवं समुदायले विस्तृत शान्ति सम्झौता हुँदै तीन पटक सरकारको नेतृत्व गर्ने ठाउँसम्म पुर्याएका हुन् ।’
अध्यक्ष दाहालले आत्मालोचना गर्दै आफूहरू जनतामाझ आएको र उनीहरूका पिरमर्का बुझेर तिनलाई सम्बोधनको प्रयास गरिने बताए ।
शनिबार, ०३ जेठ २०८२, १५ : २२
प्रतिक्रिया