आइतबार, २२ असार २०८२
ताजा समाचार
हुम्ला राष्ट्रिय सडक सञ्जालमा जोडिँदै, आज प्रधानमन्त्रीले उद्घाटन गर्ने
आजको अर्थ संवाददाता
आइतबार, २२ असार २०८२, १० : १०
काठमाडौं- प्रधानमन्त्री केपी शर्मा ओलीले हुम्लाको सदरमुकाम सिमकोटलाई राष्ट्रिय सडक सञ्जालसँग जोड्ने महत्त्वपूर्ण चुवाखोला बेलिब्रिजको आज उद्घाटन गर्दै छन्।
यो उद्घाटनसँगै सडक सञ्जालमा जोडिन बाँकी रहेको देशको एकमात्र जिल्ला हुम्ला सदरमुकाम औपचारिक रूपमा राष्ट्रिय राजमार्गसँग जोडिनेछ।
यस ऐतिहासिक अवसरका लागि प्रधानमन्त्री ओली आज हुम्ला पुगेका हुन्। हुम्लाका प्रमुख जिल्ला अधिकारी नारायणप्रसाद पाण्डेयका अनुसार, प्रधानमन्त्रीले बिहान ११ बजे पुलको उद्घाटन गर्ने कार्यक्रम तय भएको छ।
हुम्ला यात्राबारे उत्साह व्यक्त गर्दै प्रधानमन्त्रीले ओलीले यो सडकको रणनीतिक महत्त्वबारे प्रकाश पारेका छन्। उनले सामाजिक सञ्जालमा भनेका छन् भने, 'आज विशेष उत्साह लिएर खार्पुनाथ हुम्ला जाँदै छु। किनभने आजबाट सञ्चालनमा आउने कर्णाली करिडोर सडकको चुवाखोला बेलिब्रिजले हाम्रो दक्षिणी छिमेकी मित्रराष्ट्र भारत र उत्तरी छिमेकी मित्रराष्ट्र चीनलाई सडक मार्गले जोड्ने छ।'
आइतबार, २२ असार २०८२, १० : १०
प्रतिक्रिया