काठमाडौं- सालमनीदेवी हाइड्रोपावर लिमिटेडले आईपीओ निष्काशन गर्ने तयारी गरेको छ । कम्पनीको शेयर निष्काशन तथा बिक्री प्रबन्धकको रुपमा लक्ष्मी सन्राइज क्यापिटल लिमिटेड नियुक्त भएको छ ।

उक्त सम्झौतामा लक्ष्मी सन्राइज क्यापिटल लिमिटेडका तर्फबाट प्रमुख कार्यकारी अधिकृत विजय लाल श्रेष्ठ र सालमनीदेवी हाईड्रोपावर लिमिटेडका तर्फबाट सञ्चालक पेरश दाहालले हस्ताक्षर गरेका छन् । कम्पनीले आयोजना प्रभावित क्षेत्रका स्थानीयलाई रु.१०० रुपैयाँ अंकित दरका  ८ लाख ५० हजार कित्ता र सर्वसाधारण लगानिकर्ताको लागि रु.१०० रुपैयाँ अंकित दरका थप ८ लाख ५० हजार कित्ता साधारण शेयर निष्काशन गर्न लागेको हो ।

सालमनीदेवी हाइड्रोपावर लिमिटेडले डोटी जिल्लामा रहेको ३.३३ मेगावाट क्षमताको कापडीगाड जलविद्युत् आयोजना निर्माण कार्य सम्पन्न भई २०७६ सालदेखि व्यापारिक उत्पादन गर्दै आएको छ ।