काठमाडौं- प्रकृतिको शान्त वातावरण, आकर्षक काठका भिल्ला, खुला आकाशमुनि बियर गार्डेन र आधुनिक मनोरञ्जनको संयोजन खोज्नेहरूका लागि रुपन्देहीको तिलोत्तमा–१३, कोटिहवास्थित टाइगर फरेस्ट होटल नयाँ गन्तव्यका रूपमा अघि बढिरहेको छ । 

सिद्धार्थ राजमार्गसँग सहज पहुँच भएको स्थानमा, टाइगर प्यालेस बाई सोल्टीसँगै जोडिएको यस होटल र बार्हसिंगे बियर गार्डेनले बसोबास, खानपान र मनोरञ्जनलाई एउटै परिसरमा समेट्ने प्रयास गरेको छ । होटलले चालु आर्थिक वर्ष २०८३ र ०८४ को पहिलो त्रैमासिक अर्थात् साउनदेखि असोजसम्ममा रु. ३ करोड ६२ लाख ८५ हजारभन्दा बढीको कारोबार गरेको छ । 

रुपन्देहीका सफल व्यवसायी मिनराज भुसालको अवधारणा र लगानीमा निर्माण तथा विस्तार भइरहेको टाइगर फरेस्ट होटललाई केवल रात बिताउने ठाउँका रूपमा मात्र नभई फरक अनुभव लिन सकिने गन्तव्यका रूपमा विकास गर्ने सोच रहेको होटलका अध्यक्ष मिनराज भुसालले बताए ।

होटलको अवधारणाले परम्परागत आतिथ्य सेवाभन्दा अलि फरक पहिचान बनाउने प्रयास स्वरुप परिवारसँग समय बिताउन होस्, साथीभाइसँग भेटघाट गर्न होस् वा दैनिक व्यस्तताबाट केही समय टाढा रहेर आराम गर्न, यहाँ एउटै परिसरमा विभिन्न विकल्प उपलब्ध गराईएको छ । 

होटलको विशेष आकर्षणमा  काठका भिल्ला प्रमुख छन्  ।  प्राकृतिक वातावरणसँग घुलमिल हुने शैलीमा निर्माण गरिएका यी भिल्लाले पाहुनालाई सामान्य होटलका कोठाभन्दा फरक अनुभूति दिन्छन् । शान्त वातावरणमा बस्न चाहने परिवार, जोडी तथा घुमफिरका लागि आउने पाहुनालाई लक्षित गरी तयार गरिएको यो अवधारणाले आरामदायी बसाइलाई प्रकृतिसँग नजिक बनाउने प्रयास गरेको छ । आधुनिक सुविधासहित फरक बनावटको आवास अनुभव प्रदान गर्नु होटलको पहिचान निर्माण गर्ने महत्त्वपूर्ण पक्ष बनेको ब्यवस्थापक युवराज गुरुङले बताए ।

होटल परिसरमै रहेको बार्हसिंगे बियर गार्डेन अर्को आकर्षण हो । खुला वातावरण, हरियाली र साथीभाइसँग बसेर रमाइलो गर्न सकिने परिवेशले यसलाई भेटघाट र फुर्सदको समय बिताउने उपयुक्त स्थानका रूपमा अघि सारेको छ । यहाँ बार्हसिंगे ब्रान्डका बियर ड्राफ्ट प्रणालीमार्फत उपलब्ध छन् । खानपान, पेय पदार्थ र रमाइलो वातावरणको संयोजनले पाहुनालाई फरक अनुभव प्रदान गर्ने उद्देश्य राखेको छ । होटलको रेस्टुरेन्टमा नेपालीलगायत विभिन्न परिकारको स्वाद लिन सकिन्छ भने काठमाण्डौ उपत्यका बाहिरको देशकै उत्कृष्ट  किङ लियो डान्स क्लबले रात्रिकालीन मनोरञ्जनको विकल्प प्रदान गरिरहेको छ । 

यसरी बसाइ, खानपान र मनोरञ्जनलाई एउटै गन्तव्यमा जोड्ने प्रयास टाइगर फरेस्टको व्यावसायिक अवधारणाको मुख्य विशेषता हो। टाइगर प्यालेस बाई सोल्टीसँगै जोडिएको स्थान र सिद्धार्थ राजमार्गसँगको सहज पहुँचले पनि होटललाई महत्त्वपूर्ण बनाएको छ । लुम्बिनी भ्रमणमा आउने पर्यटक, भारतीय पाहुना, आन्तरिक पर्यटक तथा रुपन्देही आसपासका स्थानीय ग्राहकलाई लक्षित गरी सेवा विस्तार गर्न सकिने सम्भावना यहाँ छ । 

पारिवारिक जमघट, साथीभाइसँगको भेटघाट, जन्मदिन तथा अन्य विशेष अवसरमा खानपान र मनोरञ्जनका लागि एउटै परिसरमा विभिन्न सुविधा उपलब्ध हुनु यसको अर्को विशेषता हो । क्षेत्रीय पर्यटनको विकाससँगै यस्ता गन्तव्यले स्थानीय बजारमा आफ्नो उपस्थिति थप बलियो बनाउने अवसर पाउन सक्छन् ।
साथै निर्माणको  अन्तिम चरणमा रहेको १००० जनाको क्षमता सहितको सुविधा सम्पन्न रोयल ब्यक्विट आगामि २ महिना भित्रमा सन्चालनमा आउने समेत गुरुङले बताए ।

होटलको दीर्घकालीन योजना पनि महत्त्वाकांक्षी छ । यसअघि सार्वजनिक भएका योजनासम्बन्धी विवरणअनुसार कम्पनीले करिब डेढ अर्ब रुपैयाँ थप लगानी गरेर परियोजनालाई पाँचतारे स्तरको रिसोर्टका रूपमा विस्तार गर्ने लक्ष्य अघि सारेको छ । प्रस्तावित योजनामा थप आवास सुविधा, स्विमिङ पुल, आकर्षक बगैँचा, क्यासिनो तथा अन्य मनोरञ्जनात्मक संरचनाको विकास समावेश छ । 

यो योजना कार्यान्वयन भएमा रुपन्देहीको पर्यटन तथा आतिथ्य क्षेत्रमा होटलको भूमिका थप विस्तार हुन सक्नेछ । यद्यपि, यस्तो विस्तारका लागि आवश्यक अनुमति, पूर्वाधार विकास र सम्बन्धित नियामकीय मापदण्ड पूरा गर्नुपर्ने हुन्छ ।

भविष्यमा कम्पनीलाई पब्लिक लिमिटेडमा रूपान्तरण गरी सर्वसाधारणका लागि प्रारम्भिक सार्वजनिक निष्कासन (आईपीओ) गर्ने लक्ष्यले पनि परियोजनाको दीर्घकालीन व्यावसायिक योजना रहेको समेत अध्यक्ष भुसालले बताए । यसका लागि आवश्यक कानुनी तथा नियामकीय प्रक्रिया पूरा गर्नुपर्नेछ । होटलको विस्तारसँगै स्थानीय रोजगारी, आपूर्ति व्यवसाय, पर्यटन सेवा र अन्य सम्बन्धित क्षेत्रमा थप अवसर सिर्जना हुने अपेक्षा गर्न सकिन्छ ।

तीन महिनामै रु। ३ करोड ६२ लाख ८५ हजारभन्दा बढीको कारोबार गर्न सफल टाइगर फरेस्ट होटलले काठका भिल्ला, बार्हसिंगे बियर गार्डेन, रेस्टुरेन्ट र किङ लियो डान्स क्लबमार्फत आफ्नो छुट्टै पहिचान बनाउने प्रयास गरिरहेको छ । टाइगर प्यालेस बाई सोल्टीसँगै जोडिएको कोटिहवास्थित यो गन्तव्यले आवास, खानपान र मनोरञ्जनलाई एउटै अनुभवमा जोडेको छ । 

प्रकृतिको नजिक आरामदायी बसाइ होस् वा खुला वातावरणमा साथीभाइ र परिवारसँग रमाइलो समय बिताउने चाहना, टाइगर फरेस्ट होटल तथा बार्हसिंगे बियर गार्डेनले रुपन्देहीको आतिथ्य क्षेत्रमा नयाँ सम्भावना खोजिरहेको छ। आगामी दिनमा सेवा गुणस्तर, पूर्वाधार विस्तार र पाहुनाको अनुभवमा हुने सुधारले यसको यात्रालाई थप अर्थपूर्ण बनाउनेछ ।

                                                                                                                                                                                                                                                                                                                                                                                                                                  क्षितिज विक्रम खनाल