माथिल्लो तामाकोशीमा भारतीय कम्पनी भिलेन,  चैतमा आयोजना सकिन मुस्किल

मंगलबार, ०३ मंसिर २०७६, ११ : ५५

काठमाडौं  राष्ट्रिय गौरवको आयोजनाको रुपमा सूचीकृत माथिल्लो तामाकोशी जलविद्युत् आयोजनामा भारतीय कम्पनीले भिलेनको रोल खोल्दा आयोजना तोकिएको समयमा पूरा हुन समस्या पर्ने देखिएको छ ।

ठाडो सुरुङमा पाइप जडानका लागि खटिएको भारतीयक म्पनी टेक्म्याकोले कुनै उल्लेख्य प्रगति देखाउन सकेको छैन । जसका कारण आयोजनाको भौतिक निर्माणले गति समेत लिन सकेको छैन ।अष्ट्रियाको एन्ड्रिज हाइड्रोले धमाधम पाइप जडानको काम शुरु गरेपनि भारतीय कम्पनी टेक्सम्याकोले भने अझै काममा गति दिन नसक्दा आयोजना तोकिएको समयमा पूरा हुनेमा आशंका थपिएको छ । हाल आयोजनाको भौतिक प्रगति ९८.५ प्रतिशत पुगेको छ ।

तर माथिल्लो तामाकोशीले अर्को अर्को आयोजनाको शुरु गरेको छ ।आयोजनाले २२ मेगावाट क्षमताको रोल्वालिङ जलविद्युत् आयोजनाको काम शुरु गरेको छ ।हिँउदमा समेत आयोजनाको क्षमता उस्तै कायम राख्नका लागि सो आयोजना शुरु गरिएको आयोजनाले जनाएको छ ।

माथिल्लो तामाकोशी जलविद्युत् आयोजनाको प्रवद्र्धक अप्पर तामाकोशी हाइड्रोपावर कम्पनीले नेपाली प्रविधि तथा डिजाइनमा नै सो आयोजना निर्माण गर्ने तयारी थालेको छ ।आयोजनाको पहुँच मार्ग र अडिट सुरुङ निर्माण गर्न नेपाली कम्पनी हाइ हिमालय हाइड्रो कन्स्ट्रक्सन कम्पनीसँगसम्झौता गरेको छ ।सम्झौतामा माथिल्लो तामाकोशीका प्रमुख कार्यकारी अधिकृत विज्ञानप्रसाद श्रेष्ठ र हाइ हिमालयका अध्यक्ष किरण मल्लले हस्ताक्षर गरेको आयोजनाले जनाएको छ ।

दोलखाको छो रोल्पा हिमतालबाट निस्केको पानी प्रयोग गरी विद्युत उत्पादन गर्ने गरी आयोजनाको तयारी गरिएको छ । माथिल्लो तामाकोशीको निर्माणाधिन बाँध स्थल लामाबगरको आसपास नै पानी साल्ने लक्ष्य सहति आयोजना शुरु गरिएको हो ।स्थानीय रिकु र सिमी गाउँमा बाँध निर्माण गरी साढे ६ किलोमिटर सुरुङबाट विद्युतगृहमा पानी खसाल्ने योजना छ । सो आयोजनाको विस्तृत इन्जिनियरिङ तथा डिजाइनको काम नेपाल विद्युत् प्राधिकरणको सहायक कम्पनी एनइए इन्जिनियरिङ कम्पनीले गरिरह्ेको छ ।

तामाकोसीको जलाशयमा सो आयोजनाको पानी थप हुँदा रोल्वालिङबाट १७ करोड यूनिट विद्युत् थप उत्पादन हुनेछ ।आयोजनाको कूल लागत ४ अर्ब रहने जनाइएको छ ।

चालु आवमा नै पूर्वाधार तयार पारी आगामी आवदेखि आयोजना निर्माणमा जाने गरी काम शुरु गरिएको छ । उता माथिल्लो तामाकोशी जलविद्युत् आयोजनाको भारतीय ठेकेदारका कारण ठाडो सुरुङमा पाइप जडान गर्ने कार्यले सोचअनुसार प्रगति गर्न सकेको छैन । 

मंगलबार, ०३ मंसिर २०७६, ११ : ५५

प्रतिक्रिया