लगानीको अवसर जुट्दै, रू. १३ अर्ब बराबरको ऋणपत्र पाइपलाइनमा

कुमारी बैंकको सबैभन्दा ठुलो डिभेन्चर
मंसिर १८, २०७६ | आजको अर्थ
ajaako_artha

काठमाडौं – नेपाल धितापत्र बोर्डमा करिब १३ अर्ब बराबरको डिभेन्चर (ऋणपत्र) स्वीकृतिका लागि पाइपलाइनमा रहेका छन् । बोर्डकाअनुसार बिभिन्न ७ बैंक तथा वित्तिय संस्थाका १ करोड २९ लाख ५० हजार युनिट अर्थात रू. १२ अर्ब ९५ करोड बराबरको ऋणपत्र स्वीकृतिका लागि पाइपलाइनमा रहेका छन् ।
कुल युनिट मध्ये ५१ लाख ८० हजार युनिट सर्वसाधारणको लागि छुट्टाइएको छ । बाँकी रहेको ७७ लाख ७० जजार युनिट डिभेन्चर निजी प्लेसमेन्टका लागि छुट्टाइएको छ । एक युनिटको मुल्य एक हजार तोकिएको हुन्छ । 
बार्डकाअनुसार कृषि विकास बैंक, सिटिजन बैंक, गुडविल फाइनान्स, नविल बैंक, नेपाल एसबीआई बैंक, आईसीएफसी फाइनान्स र कुमारी बैंकको डिभेन्चर पाइपलाइनमा छ । यी मध्ये कुमारी बैंकले सबैभन्दा ठुलो मात्रामा डिभेन्चर ल्याउन लागेको देखिन्छ । कुमारी बैंकको रू. ३ अर्ब बराबरको डिभेन्चर पाइपलाइनमा देखिन्छ । 
व्याजदरको हकमा बैंक तर्फ कृषि विकास बैंकको धेरै छ । कृषि विकास बैंकले १०.३५ प्रतिशत व्याजदरमा डिभेन्चर जारी गर्ने बताएको छ । फाइनान्स तर्फभने दुवै कम्पनीले १२÷१२ प्रतिशत व्याज दिने भनेका छन् । 
चालु आवको मौद्रिक नीति अनुसार बैंकहरुले आफ्नो चुक्तापुँजीको २५ प्रतिशत बराबरको अनुपातमा डिभेन्चर निष्काशन गर्नुपर्ने हुन्छ, सोही नीति अनुसार चालु आवमा बैंकहरुले डिभेन्चर जारी गर्न तयारी गरिरहेका छन् ।
डिभेन्चर भन्नाले बैंक तथा सम्बन्धीत कम्पनीले जनता तथा कुनै कम्पनीहरुसँग ऋण माग्ने माध्यम हो । उनीहरुले व्याजमा यसरी ऋण लिएर तरलता बढाउने तथा बिभिन्न क्षेत्रमा लगानी गर्छन । सोही लगानीबाट उनीहरुले नाफा कमाउन सक्छन् ।
बैंकिङ क्षेत्रमा जतिसुकै समस्या आएपति डिभेन्चरको व्याजदरमा कुनै परिवर्तन गर्न भने पाइने छैन । निक्षेपको व्याजदर थपघट भइरहने भएकाले र शेयर बजार पनि घटी रहेकाले पछिल्लो समय आम मानिसहरू डिभेन्चर तिर पनि आर्कषित हुँदै गएका छन् ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८