ठेकेदारको लापरवाहीले काममा ढिलाइ

फागुन ७, २०७७ | आजको अर्थ
ajaako_artha

काठमाडौं - पश्चिम जाजरकोटको छेडागाड नगरपालिका–१३ मा राष्ट्रिय प्रसारण लाइनको विद्युत् सेवा पुगेको छ । पहिलो चरणमा १३ नम्बरको कार्कीगाउँमा पुगेको र हप्ता दिनभित्र अन्य ठाउँमा विद्युत् पुग्ने लक्ष्य रहेको जाजरकोट वितरण केन्द्रका प्रमुख विशाल लामिछानेले बताए ।

विद्युत् पुगेसँगै गरिब तथा विपन्नलाइ निःशुल्क मिटर बक्स वितरणको काम शुरु भएको छ । विद्युतीय सुरक्षाका कामसमेत गाउँगाउँमा अभियानका रूपमा चलाएको छ । दुई वर्षभित्र जिल्लाका सबै ठाउँमा विद्युत् पु¥याउने लक्ष्यका साथ काम शुरु गरिएकामा ठेकेदारले तोकिएको समयमा काम नगर्दा पूर्व तथा उत्तरी क्षेत्रमा लक्ष्यमा पुग्न समस्या भएको छ ।

नलगाड नगरपालिका र कुशे गाउँपालिकामा विद्युत् पुर्याउनका लागि ठेक्का लिएको आरके इन्टरनेशनलले दुई वर्षदेखि काम नगर्दा समस्या हुँदै आएको छ । पोल गाडेको दुई वर्ष बिते पनि बत्ती कहिले बल्छ भनी स्थानीयवासीले प्रश्नको ओइरो लगाएको प्रमुख लामिछानेले बताए ।

उता डोल्पासम्म लाइन विस्तार गर्नका लागि जाजरकोटको पूर्वी क्षेत्रसम्म छिटो लाइन विस्तार गर्नुपर्ने बाध्यता छ । तासुगाड जलविद्युत् आयोजना, जगदुल्ला जलविद्युत् आयोजना लगायतका काम गर्नका लागि समेत विद्युत् लाइन छिटो पुग्नुपर्ने अवस्था छ । त्यस्तै नलगाड जलविद्युत् आयोजना निर्माणका लागि समेत काम छिटो बन्नुपर्ने छ । 
 

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८