काठमाडौं – शुक्रबारदेखि २९ करोड रुपैयाँको आईपीओ निष्काशन गरेको सिंगटी हाइड्रो लिमिटेडले चालु आवमा नै ८.०३ प्रतिशत लाभांश दिने बताएको छ । कम्पनीले नेपाल धितोपत्र बोर्डमा पेश गरेको एक प्रतिवेदनमा यस्तो उल्लेख गरेको हो । 
कम्पनीले चालु आवमा प्रतिशेयर आम्दानी ८.०३ प्रतिशत पुग्ने अनुमान गरेको छ । त्यो अनुसार कम्पनीको लाभांश क्षमता पनि सोही बराबर हुनेछ । 
यस्तै, आव ०७८÷७९ मा ९.१६ प्रतिशत, आव २०७९÷८० मा ११.२२ र आव २०८०÷८१ मा १३.४८ प्रतिशतसम्म प्रतिशेयर आम्दानी पुग्ने अनुमान गरिएको छ । 

आजबाट सिंगटी हाइड्रो इनर्जी कम्पनी लिमिटेडले सर्वसाधारणका लागि साधारण सेयर (आईपीओ) निष्कासन तथा बिक्री खुल्ला गरेको थियो ।

कम्पनीले प्रतिकित्ता १०० रुपैयाँ अंकित दरमा २९ लाख कित्ता साधारण सेयर (आईपीओ) निष्कासन तथा बिक्री खुल्ला गरेको हो । 

जसमध्ये ५ प्रतिशत अर्थात १ लाख ५४ हजार कित्ता सामूहिक लगानी कोषका लागि, २ प्रतिशत अर्थात ५८ हजार कित्ता कर्मचारीहरुका लागि र बाँकी २६ लाख ९७ हजार कित्ता सर्वसाधारण लगानीकर्ताहरुका लागि छुट्याइएको छ ।

आईपीओमा लगानीकर्ताले न्यूनतम १० कित्तादेखि अधिकतम २ लाख कित्ताको लागि छिटोमा चैत १० गते र ढिलोमा चैत २० गतेसम्म आवेदन दिन सक्नेछन् । 

केयर रेटिङ्ग नेपालले कम्पनीलाई केयर एनपी डबल बी माइनस ९आइएस० रेटिङ्ग प्रदान गरेको छ। साथै उक्त साधारण सेयर सर्वसाधारणमा सार्वजनिक गर्न निष्कासन तथा बिक्री प्रबन्धकको काम मेगा क्यापिटल मार्केट्स लिमिटेडले गरेको छ । 

यसअघि पहिलो चरणमा कम्पनीले आयोजना प्रभावित क्षेत्रका स्थानीयका लागि माघ ४ गतेदेखि फागुन ३ गते प्रतिकित्ता १०० रुपैयाँ अंकित दरमा १४ करोड ५० लाख रुपैयाँ बराबरको १४ लाख ५० हजार कित्ता साधारण सेयर (आइपिओ) निष्कासन तथा बिक्री खुल्ला गरेको थियो ।