काठमाडौँ-  सेयर बजार विश्लेषक रविन्द्र भट्टराईले जीवन बिमा किताव बजारमा ल्याएका छन ।

 लामो समय सम्म वित्तीय साक्षरतामा कलम चलाइ रहदा त्यस भित्रको अभिन्न अंगका रुपमा लिइने जीवन बिमालाई पनि समेट्न आवश्यक ठानेका कारण जीवन बिमा पुस्तक तयार गरेको लेखक भट्टराई बताउँछन् । पाठकहरुको बढ्दो रुचि, बदलिंदो वित्तीय आवश्यकता र बिमाको फैलदै गएको बजारले यसको आवश्यकता अझ बढी देखिएको छ।

बिमा बजारको गुणस्तरीयतामा बृद्धि, जीवन बिमा अभिकर्ताको क्षमता अभिबृद्धि गर्न बिमा ऐन र नियमावलीमा भएका पछिल्ला व्यवस्थाको उद्देश्य पुरा गर्न यसले सहयोग पुर्याउने छ । बिमा गर्न चाहने, बिमाको आवश्यकता बुझ्न चाहने अनि बिमा अभिकर्ताका रुपमा काम गर्न चाहने र गरिरहेका तथा बिमा बजारको नियमन गर्ने सवै पक्षलाई यो पुस्तकले सहयोग पुर्याउने छ । यसले भर्खरै आएको बिमा ऐन २०७९ का व्यवस्था, बिमा प्राधिकरणका निर्देशनहरु र जीवन बिमाको क्षेत्रमा भएका अन्तराष्ट्रिय अभ्यासलाइ समेत समेटेको छ ।

मानिसको वित्तीय योजना ९फाइनान्सियल प्लानिङ० भित्र दैनिक खर्च व्यवस्थापन, लगानी, निवृत्त जीवनको वित्तीय योजना, करसँगै जीवन बिमा पनि पर्छ । जीवन बिमा मानिसको जीवनलाई आधार बनाएर गरिने बिमा हो । जुन धेरैका लागि कम रुचि तर बढी आवश्यकताको बिषय पनि हो ।

‘जीवन बिमालाई आवश्यकताअनुसार जीवनमा कसरी अधिकतम प्रयोग गर्न सकिन्छ भन्ने बारेमा सर्वसाधारणलाई जानकारी दिनु पनि यो पुस्तकको उद्देश्य हो । जसरी हामी लगानीका विविध विकल्पहरुलाई हाम्रो लक्ष वा योजनासँग जोड्छौ जीवन बिमालाई पनि हाम्रा बिभिन्न आवश्यकता सँग जोड्दै लग्न सकिन्छ ।’–उनले भने । बचत, बच्चाको शिक्षा, विवाह, निवृत्त जीवनका लागि आवश्यक पैसा, परिवारको वित्तीय सुरक्षा, मृत्युपछि सम्पत्ति हस्तान्तरण, सम्पत्ति हस्तान्तरणमा लाग्ने करको व्यवस्थापन, मृत्यु संस्कारमा लाग्ने खर्चको व्यवस्थापन जस्तो धेरै विषयलाई जोडेर जीवन बिमाको प्रयोग गरी बित्तीय योजना बनाउन सकिन्छ । त्यसैले जीवन बिमा मृत्यु पछि धनी बन्न गरिने लगानी हो भन्ने धेरै मानिसको बुझाइ भन्दा धेरै फरक पनि छ ।

भट्टराईले यसअघि सेयर मन्त्र, सेयरबाट करोडपति, नेपालको सेयर बजार, सेयरको आधारभूत विश्लेषण, सेयर कमोडिटिज तथा विदेशि मुद्राको प्राविधिक विश्लेषण, हाउ टु इन्भेष्ट इन स्टक मार्केट जस्ता पुस्तक लेखि सकेका छन । पाठकका रुचि, बिचार, सल्लाह र सुझाव नै लेखनको महत्वपूर्ण उर्जा रहेको भट्टराई बताउछन भने उनले बिमा प्राधिकरणका ऐन, नियम, निर्देशिकाहरुमा ल्याइएका परिवर्तन सँगै पुस्तकलाई समय सापेक्ष परिमार्जन गर्दैै जाने प्रण पनि गरेका छन । २१६ पेज रहेको यो किताबको मूल्य ३६५ रुपैया राखिएको छ ।