विश्वप्रशिद्ध कम्पनी अलीबाबाले १५ अर्ब अमेरिकी डलरबराबरको आईपीओ निष्कासन गर्ने तयारी गरेको छ ।
हङकङको सेयरबजारमा लिस्टिङका लागि अलिबाबाले नोभेम्बरको अन्तिम सातासम्म आईपीओ निष्कासन गर्ने तयारी गरेको हो ।
त्यसका लागि अलीबाबाले आगामी बिहीबार हङकङको सेयर लिस्टिङ कमिटीसँग आईपीओ निष्कासनको अनुमति लिने समाचारहरुमा बताईएको छ ।
अलीबाबाले आईपीओ निश्कासन गरेमा यो विश्वकै सबैभन्दा धेरै धनराशिको आईपीओ हुने छ । यसअघि सन् २०१४ मा उसले अमेरिकाको सेयर बजारमा लिस्टिङका बेला जारी गरेको आईपीओबाट २५ अर्ब अमेरिकी डलर जम्मा गरेको थियो ।
हङकङमा अहिले सरकारविरोधी आन्दोलनका कारण आर्थिक गतिविधि डामाडोल बनेको अबस्थामा अलीबाबाको आईपीओले हङकङको आर्थिक गतिविधि बढ्ने अनुमान गरिएको छ । – एजेन्सी
प्रतिक्रिया