निर्जीवन बीमा कम्पनीहरुको नाफा २२% ले बढ्यो, तर ३ कम्पनीको नाफामा भारी गिरावट

३ महिनामा रू. ८०.२७ करोड नाफा
मंसिर १५, २०७६ | आजको अर्थ
ajaako_artha

काठमाडौं – निर्जीवन बीमा कम्पनीहरूले चालु आर्थिक बर्षको पहिलो तीन महिनामा रू. ८० करोड २७ लाख नाफा कमाएका छन् । यो गत बर्षको भन्दा करिब २२ प्रतिशत बढी हो । गत आवको समिक्षा अवधीमा निर्जीवन बीमा कम्पनीहरूले रू. ६५ करोड ८१ लाख रुपैयाँ नाफा कमाएका थिए ।
बीमा कम्पनीहरू हालै सार्वजनिक गरेका पहिलो त्रैमासको वित्तिय विवरणले यस्तो देखाएको हो । तर, दि ओरियण्टल इन्स्योरेन्सले अझै प्रथम त्रैमासको वित्तिय विवरण सार्वजनिक गरेको छैन । हाल नेपाली बीमा बजारमा २० निर्जीवन बीमा कम्पनी छन् ।
वित्तिय विवरण सार्वजनिक गरेका १९ कम्पनी मध्ये शिखर इन्स्योरेन्सले सबैभन्दा बढी नाफा कमाएको छ । यस अवधीमा उक्त कम्पनीले रू. १२ करोड १४ लाख नाफा कमाएको छ । यस्तै, दोस्रो नम्बरमा रहेको नेको इन्स्यारेन्सले रू. ७ करोड ५३ लाख नाफा कमाएको छ । 
यस बाहेक नेशनल, राष्ट्रिय बीमा कम्पनी, प्रिमियर, एनएलजी, सगरमाथा इन्स्योरेन्सको नाफा पनि राम्रो देखिएको छ । उनीहरुले ५ करोड रुपैयाँ भन्दा बढी नाफा कमाएका छन् । 
यस्तै, नयाँ तीन कम्पनी मध्येले अजोड इन्स्योरेन्सले सबैभन्दा बढी नाफा कमाएको छ । अजोडले यस अवधीमा रू. ७४ लाख ६३ हजार नाफा कमाएको छ । अजोड, सानिमा र जनरल इन्स्योरेन्स २०७५ असारबाट सञ्चालनमा आएका थिए । उनीहरुले मात्र यस अवधीमा रू. २ करोड १० लाख नाफा रहेको छ । 
यस्तैै, यस अवधीमा ३ कम्पनीको नाफा भने घटेको छ । लुम्बिनी जनरल, हिमालयन जनरल र पु्रडेन्सियल इन्स्यारेन्सको नाफा घटेको देखिन्छ । 
गत आवको समिक्षा अवधीमा रू. ४ करोड ५ लाख नाफा कमाएको हिमालयन जनरलले अहिले रू. ३ करोड १९ लाख नाफा कमाएको छ । यस्तै, लुम्बिनी जनरलले अहिले रू. ३ करोड ७४ लाख नाफा कमाएको छ, बल्की कम्पनीले गत आवको सो अवधीमा रू. ४ करोड १८ लाख नाफा कमाएको थियो । पु्रडेन्सियल कम्पनीको नाफा पनि करिब २० लाख रुपैयाँले खुम्चिएको छ । गत आवको समिक्षा अवधीमा रू. ३ करोड ३२ लाख नाफा कमाएको उक्त कम्पनीले अहिले रू. ३ करोड १२ लाख मात्र नाफा कमाएको छ । 


कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar११४.५२११५.१२
European Euro१२६.९४१२७.६०
UK Pound Sterling१४८.१६१४८.९४
Swiss Franc११५.६५११६.२६
Australian Dollar७७.९७७८.३८
Canadian Dollar८६.०९८६.५४
Singapore Dollar८४.१३८४.५७