१४ दिन क्वारेण्टानइन बसेपछि घर पुगेका ६६ जनामा कोरोना संक्रमण

साउन १७, २०७७ | आजको अर्थ
ajaako_artha

भारतबाट आएर १४ दिन क्वारेण्टाइन बसेपछि घर पुगेका बझङका ६६ जनामा कोरोना संक्रमण पुष्टि भएको छ । असार अन्तिम साता भारतको बेंलोरबाट आएर क्वारेन्टिनमा बसेका केदारस्यूँ गाउँपालिकाका ६ र ७ का ६६ जनामा कोरोना संक्रमण पुष्टि भएको हो । 

एकै ठाउँबाट एकैसाथ आएको उनीहरु क्वारेण्टाइन बसेको १४ दिन पुगेपछि ९ साउनमा घर गएका थिए । साउन ७ गते स्वाब संकलन गरिएका उनीहरुमध्ये शुक्रबार २५ जना र शनिबार ४१ जना गरी ६६ जनामा संक्रमण पुष्टि भएको स्वास्थ्य शाखा प्रमुख कैलाश बलायरले जानकारी दिए ।

ठूलो संख्यामा संक्रमित भेटिएपछि शनिबार बसेको गाउँ कार्यपालिकाको बैठकले दुबै वडा सिल गर्ने र गाउँपालिकामा लकडाउन कडा गर्ने निर्णय गरेको गाउँपालिका उपाध्यक्ष निशा धामीले बताइन् ।

संक्रमितहरुलाई चन्द्रोदय माध्यमिक विद्यालय र कैलाश भवानी माध्यमिक विद्यालयको आइसोलेसनमा राख्ने निर्णय भएको उपाध्यक्ष धामीले बताइन् ।

साथै उनीहरुको सम्पर्कमा आएका व्यक्ति र आफन्त सबैको पीसीआर परीक्षण गर्ने तयारी छ ।

गाउँपालिका मात्रै होईन बझाङ जिल्लामा समेत संक्रमितहरुको संख्या बढ्न थालेकाले लकडाउन कडा गर्ने बिषयमा छलफल भइरहेको प्रमुख जिल्ला अधिकारी कमल राज भण्डारीले बताए । 

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८