काठमाडौँ - मधेस प्रदेश सरकारमा आगामी आर्थिक वर्ष २०८१\८२ को बजेट भाषणमा ढिलाइ भएको छ । आगामी वर्षको बजेट भाषणका लागि दिउँसो ३ बजेर ५५ मिनेटलाई प्रदेश सभा बोलाइए पनि अझै भाषण सुरु भएको छैन् ।

मधेस प्रदेशकातर्फबाट आगामी वर्षका लागि अर्थमन्त्री भरत प्रसाद शाहले ल्याउँदै छन् । तर प्रदेश सभाको बैठक नै सुरु नहुँदा प्रदेशको भाषण ढिलाइ भएको हो । संवैधानिक व्यवस्था अनुसार सबै प्रदेशले आज बेलुकासम्म आगामी वर्षको बजेट प्रस्तुत गर्नै पर्छ । अन्य प्रदेशले आगामी वर्षको बजेट भाषण सुरु गरे पनि मधेस प्रदेशमा भने प्रदेश सभा नै सुरु भएको छैन । यति बेलासम्म कोसी, गण्डकी, लुम्बिनी, कर्णाली र सुदूरपश्चिम प्रदेशले आगामी वर्षको बजेट भाषण गर्दै छन् । बागमती प्रदेशसभाले पनि बजेट भाषण सुरु गरेको छैन ।