बुधबार, ३१ बैशाख २०८२
ताजा समाचार
सत्ता गठबन्धनको बैठक बस्दै
आजको अर्थ संवाददाता
शनिबार, ०३ फागुन २०८१, १० : २९
काठमाडौं- प्रधानमन्त्री केपी शर्मा ओलीले सत्ता पक्षीय दलहरुको बैठक बोलाएका छन्।
बैठक बिहान ११ बजे बालुवाटारस्थित प्रधानमन्त्री निवासमा बस्ने बैठकमा नेपाली कांग्रेस र एमालेसहित हाल सत्तामा रहेका दलहरू सहभागी हुनेछन्।
बैठकको मुख्य एजेण्डा संविधान संशोधनका लागि कार्यदल बनाउने र सरकारले संसदमा पेश गरेको अध्यादेश रहेको नेताहरूले बताएका छन्।
सत्ता पक्षको उच्चस्तरीय राजनीतिक संयन्त्रको शुक्रबार बसेको बैठकले संविधान संशोधनका लागि कार्यदल बनाउने निर्णय गरेको थियो।
सरकारमा नेपाली कांग्रेस, नेकपा एमाले, जनता समाजवादी पार्टी (जसपा) , नागरिक उन्मुक्ति पार्टी, लोकतान्त्रिक समाजवादी पार्टी सहभागी छन् भने जनमत पार्टी र जनता समाजवादी पार्टी, नेपालले सरकारलाई समर्थन गरेका छन्।
शनिबार, ०३ फागुन २०८१, १० : २९
प्रतिक्रिया