काठमाडौं- नेपाल बीमा प्राधिकरणको गण्डकी प्रदेश कार्यालयले साउन ६ गते मंगलबार जीवन बीमा अभिकर्ताको परीक्षा सञ्चालन गर्ने भएको छ । 

बीमा ऐन, २०७९ अनुसार बीमा एजेण्टको लाइसेन्स पाउनका लागि अनिवार्य रूपमा परीक्षा उत्तीर्ण गरेको हुनुपर्ने व्यवस्था गरेसँगै प्राधिकरणले परीक्षा लिंदै आएको छ । 

बिहान ११ बजेदेखि सुरू भएर साढे १२ बजेसम्म चल्ने यो परीक्षा अनलाईन माध्यमबाट लिइने प्राधिकरणले जानकारी दिएको छ।

यो परीक्षा पास गर्ने व्यक्तिले अभिकर्ताको अनुमतिपत्र (लाइसेन्स) प्राप्त गर्नेछन्।