काठमाडौं- प्रधानमन्त्री केपी शर्मा ओलीले भ्रष्टाचारका विरुद्धमा आफूले बोल्दै आइरहेको बहुचर्चित भनाइ पुनः दोहोर्याएका छन् ।

आज बसेको प्रतिनिधि सभा बैठकमा प्रधानमन्त्रीसँग प्रश्नोत्तर कार्यक्रममा भाग लिँदै प्रधानमन्त्रीले ओलीले आफू नेतृत्वको सरकार सुशासनमा प्रतिबद्ध रहेको दाबी गरे ।

नेकपा माओवादी केन्द्रका सांसद महेन्द्रबहादुर शाहीले सरकारले सुशासनको पक्षमा के काम गरिरहेको छ भन्दै प्रश्न गरेका थिए ।

उक्त प्रश्नको जवाफ दिँदै प्रधानमन्त्री ओलीले भने, ‘म भ्रष्टाचार गर्दिन र गर्न पनि दिन्न भन्ने राष्ट्रिय संकल्पप्रति हामी सबै दृढ र प्रतिबद्ध छौँ । यद्यपि केही मानिसहरुको फेसन हुने गर्दछ, प्रधानमन्त्रीलाई अलिकति लान्छाना नलगाइ नहुने त्यस्तै मानिसहरुले कहिले पित्तल चढायो भनेर हल्ला गर्छन्, अहिले पनि छानबिन होस् भनेर कराउँछन् ।

प्रधानमन्त्री ओलीको मन्त्रिमण्डलमा रहेका सामान्य प्रशासन मन्त्री राजकुमार गुप्ताले राजीनामा दिए भने घुस लेनदेनसम्बन्धी अर्को ३२ लाख लिएको दाबी गरिएको अडियोमा नाम उल्लेख भएका भूमिसुधार मन्त्री बालाराम अधिकारी पदमै छन्।